विद्यार्थ्यांनो : खेळा...स्वतःला शोधा !

  सुट्टीचा अतिशय उत्सुकतेने वाट पाहणाऱ्या
माझ्या बालमित्रानो आपली बुद्धीमत्ता
ओळखण्यासाठी आणि वाढविण्यासाठी
काही खेळ दिले आहेत. ते खेळा .काही
कृती करून बघा. इतरांची निरीक्षणं करा.
योग्यप्रकारे टी. व्ही.चा वापर करून बघा.

(१)कोणतेही मैदानी खेळ खेळा.

(२)गायन, वादन,नर्तन यांपैकी जे
     आवडेल ते शिका.

(३)जोरात पळणे,संथ चालणे,सायकल
    अशा वेगवेगळ्या शर्यती लावा.

(४)व्यायाम करा.

(५)नाच करा.

(६)कलाकुसरीची कामे,हस्तकलेच्या
    वस्तू तयार करा.

(७)आपल्या गावात/सोसायटीत इतरांच्या
    मदतीने एखादा कार्यक्रम स्वतः आखा.
    उदा. स्वच्छता मोहीम /झाडं लावणं -
    झाडं जगवणं.

(८)आजी -आजोबांचे अनुभव ऐका.
   त्यांच्या लहानपणीविषयी,शाळेविषयी
   माहिती काढा.

(९)घरात बसून टी. व्ही. बघण्यापेक्षा
    बाहेर पडा.

(१०)पुस्तकांमध्ये खूप विविधता असते.
    सगळे प्रकार बघा. चरित्र, जादूच्या
    गोष्टी, विज्ञानविषयक, कविता  इ.

(११)वाचलेल्या पुस्तकांविषयी कोणाशीतरी
      बोला.

(१२)छोट्या मुलांना जमवून गोष्टी सांगा.

(१३)शब्दकोडी,चित्रकोडी सोडवा.
      विविध भाषिक खेळ खेळा.

(१४)शक्य असल्यास नवीन भाषा शिका.

(१५)अंकांशी खेळा. फावल्या वेळात
       गणिती कोडी सोडवा.

(१६)घरातल्या खर्चाचं अंदाजपत्रक तयार
      करा. जमाखर्च लिहा.

(१७)लहानांना गणित शिकवा.

(१८)जेवढी झाडं,फळं,फुलं ओळखू
     शकता त्या सर्वांविषयीची माहिती
     देणारी वही तयार करा.

(१९)निसर्गातल्या सर्वच घटकांविषयी
      सादर होणारे कार्यक्रम डिस्कव्हरी
      चॅनलवर बघा.

(२०)बी लावा. तिचं रोप कधी येतं ते बघा.
त्याची वाढ कशी होते,याचं निरीक्षण करा.    
   
(२१)चित्र काढायला आवडत असेल तर
      बघून चित्र काढण्यापेक्षा मनाने
      चित्र काढा.

(२२)वाद्य वाजवायला आवडत असेल
       तर ते शिका.

(२३) आपल्या अभ्यासाचं मूल्यमापन स्वतःच करा.

संकलन :- शंकर सिताराम चौरे(प्रा. शिक्षक)
               जि.प.प्रा. शाळा बांडीकुहेर
              ता. साक्री जि. धुळे
              📞९४२२७३६७७५

प्रणाम तुम्हा कलाम चाचा

                   
देशाचे झाले तुम्ही मिसाईल मॅन
नाही विसरणार आम्ही तुमचे बलिदान

रामेश्वरम गावातून जन्मलेले भारतरत्न
सुर्य होऊन जळत राहिले तुमचे कठोर प्रयत्न

आकाशी उड्डाणाचा धरूनी तुम्ही ध्यास
अग्नीबाणाच्या रूपाने बनले तुम्ही व्यास

अग्नीबाणाच्या निर्मितीने जग चकीत झाले
तुमच्या कार्याचा डंका जगभर गेले

पृथ्वी,अग्नी ,नाग अशी क्षेपणास्त्रे तुम्ही निर्मिली
शक्तिशाली देशाची कीर्ती जगभर नेली

स्वप्न क्षेपणास्त्रे तयार करण्याचे पाहत होते
देशाच्या भविष्यासाठी कधी तुम्ही थकले नव्हते

देशाला उंच शिखरावर नेण्यासाठी केली आण
तन-मन अर्पण करूनी देशाची उंचावली मान

दूरदृष्टी अन् कार्य थोर, अलौकिक हे असे
तुमच्या कार्याने आपला देश जगात उठून दिसे

धन्य कलाम चाचा देशप्रेमाची तुमची महती
भारतासाठी आयुष्य वेचले, पावन झाली धरती

आपल्या विचाराने आम्ही देश घडविणार
देशाला महासत्ता बनविण्याचे स्वप्न साकार करणार

  कवी :- शंकर सिताराम चौरे( प्रा.शिक्षक)
             पिंपळनेर ता.साक्री(धुळे )
                  ९४२२७३६७७५

पर्यावरण रक्षण करा -ध्वनिप्रदूषण टाळा

-- कानाला कर्कश्श वाटणारा, ऐकण्यासाठी
त्रासदायक ठरणारा आवाज म्हणजे ध्वनिप्रदूषण
होय. मोठमोठय़ा आवाजात लावलेले रेडिओ,
ध्वनिक्षेपक यंत्रणा,म्युझिक सिस्टीम,टेपरेकॉर्डर,
ग्राईंडर, वाहनांचे आवाज,फटाक्यांचे आवाज
यामुळे ध्वनिप्रदूषण होऊ शकतं.
  प्रचंड तीव्रतेच्या आवाजामुळे बहिरेपणा येतो.
हे सर्वप्रथम १७८२ साली लक्षात आलं.
फाॅर्मिडेबल ह्या युद्धनौकेवरून ८० तोफा
डागल्यावर जहाजावरील लोकांना बहिरेपणा
आला होता. ध्वनीची तीव्रता डेसीबल ह्या
एककामध्ये मोजली जाते. आंतरराष्ट्रीय
मानकानुसार ध्वनीची तीव्रता ४५ डेसीबेलपेक्षा
कमी असणं आवश्यक आहे. पण मोठ्या
शहरांमधून कधीच ही तीव्रता ५० डेसीबेलपेक्षा
कमी नसते.
  ध्वनिप्रदूषणामुळे श्रवणक्षमता, मेंदू ,यकृत
आणि हृदयाच्या कार्यावर विपरीत परिणाम
होतात.१८० डेसीबेलपेक्षा जास्त तीव्रतेचा
ध्वनी सतत कानावर पडल्यास मृत्यूसुध्दा
येऊ शकतो. सर्व प्रकारच्या प्रदूषणांच्या
तुलनेत ध्वनिप्रदूषण रोखणं सोपे आहे. पण
यासाठी ध्वनिप्रदूषणाविषयी समाजात
जागरूकता असणं आवश्यक आहे.
घरातल्या, कारखान्यांमधल्या उपकरणांची,
वाहनांची वेळोवेळी देखभाल करणं आवश्यक
आहे. कमीतकमी तीव्रतेचा ध्वनी निर्माण
होईल,याची काळजी प्रत्येकाने घेतली पाहिजे.
    विशेष करून दिवाळीच्या सणासुदीला
जास्त आवाजाच्या फटाक्यांचा वापर टाळायला
हवा.
       !!  जय पर्यावरण --जय वसुंधरा  !!

संकलक :- शंकर सिताराम  चौरे(प्रा.शिक्षक)
                 जि.प. प्रा. शाळा बांडीकुहेर
                 ता.साक्री जि.धुळे
               📞 ९४२२७३६७७५
 

वाचनामुळेच..........

          
 वाचनामुळेच गोष्टी व गाण्यांचा आनंद
      आपल्याला मिळतो.

 वाचनामुळेच आपण इतिहासातील गोष्ट
    वाचतो.

 वाचनामुळेच फार फार वर्षांपूर्वीच्या
     घटना आपल्याला कळतात.

  वाचनामुळेच आपल्याला आपल्या देशाची
     व जगाची माहिती मिळते.

  वाचनामुळेच लोकांचे जीवन कळते.

 वाचनामुळेच विविध विषयांची माहिती
      मिळते.

वाचनामुळेच ज्ञान वाढते आणि अज्ञान
     दूर होते.

 वाचनामुळेच आपले मनोरंजन / करमणूक
     होते.

 वाचनामुळेच प्रवासात पुस्तकाची चांगली
     सोबत होते.

 वाचनामुळेच  ज्ञानप्राप्ती होते.

 वाचनामुळेच खूप गोष्टींची माहिती होते.

 वाचनामुळेच वेगवेगळ्या क्षेत्रांत काम
      करणाऱ्या माणसांची आत्मचरित्रे
      वाचता येतात.

 वाचनामुळेच शिकलेला माणूस आपली
      योग्य प्रगती करू शकतो.

 वाचनामुळेच एकांतवासही सुखावह
     होतो.

 वाचनामुळेच माणूस विविधांगी ज्ञानसमृद्ध
     होऊ शकतो.

 वाचनामुळेच आज कोणत्याही क्षेत्रातील
    ज्ञान असाध्य नाही.

 वाचनामुळेच व्यक्तीचे व्यक्तीमत्व समृद्ध
     होते.

  वाचनामुळेच  विशाल जगाचा परिचय
      होतो.

 वाचनामुळेच ज्ञान आणि मनोरंजन या
     दोन्हीही गोष्टी या छंदातून साध्या होतात.

  लेखन :- शंकर सिताराम चौरे(प्रा.शिक्षक)
              जि.प प्रा.शाळा बांडीकुहेर
              ता. साक्री जिल्हा धुळे
                ९४२२७३६७७५

प्रदूषणासंबंधी घोषवाक्ये

(१)प्रदूषण टाळा , पर्यावरण सांभाळा  !

(२) प्रदूषण रोखा,  पर्यावरण राखा  !

(३) प्रदूषण घालवा,  पर्यावरण वाचवा  !

(४) प्रदूषणावर मात, पर्यावरणाला साथ  !

(५) टाळा तुम्ही प्रदूषण ,         
     करू पर्यावरणाचे रक्षण !

(६) जर टाळल प्रदूषण,       
      तर होईल पर्यावरण रक्षण  !

(७) फटाक्यांचा वापर टाळा,                       
      प्रदूषणाला बसवा आळा  !

(८) फटाकेमुक्त दिवाळी कशासाठी ?
      सर्वांच्या सुखासाठी  !

(९) पर्यावरण-रक्षण, राष्ट्राचे संरक्षण  !

(१०) पर्यावरण - रक्षण, हेच मूल्यशिक्षण  !

(११) निसर्ग माझी माता,  मी तिचा रक्षणकर्ता  !

(१२) करू रक्षण पर्यावरणाचे,                      
        साधेल कल्याण मानवाचे  !

(१३) माणुसकीला जागू,                               
        दिवाळी फटाकेमुक्त साजरी करू.

(१४) ऐक मनुजा पर्यावरणाची हाक
        निसर्गासाठी आता तरी वाक

(१५) घ्या काळजी ध्वनिप्रदूषणाची
       नाहीतर होईल धूळधाण आयुष्याची

(१६) वायू प्रदूषण करू नका,
       आजाराला निमंत्रण देऊ नका.

(१७) प्रदूषण मुक्त गाव,
       सर्वत्र होईल त्याचे नाव.

(१८) फटाके मुक्त दिवाळी साजरी करूया,
        प्रदूषणाला आळा घालूया.

(१९) प्रदूषण मुक्त दिवाळी घरोघरी,
        पर्यावरण राखू गावोगावी.

संकलक :- शंकर सिताराम चौरे(प्रा. शिक्षक)
                 जि.प.प्रा शाळा बांडीकुहेर
                 ता.साक्री जि.धुळे
                  📞  ९४२२७३६७७५

थोडक्यात भौगोलिक माहिती.

(१) दिवस  :-
पृथ्वीला स्वतःभोवती एक फेरी पूर्ण करण्यास  लागणारा २४ तासांचा कालावधी म्हणजे एक
दिवस होय.
--------------------------------------------------
(२) आठवडा  :-
सात दिवसाच्या कालावधीला आठवडा म्हणतात.
--------------------------------------------------
(३) पंधरवडा :-
पंधरा दिवसांच्या कालावधीस पंधरवडा असे
म्हणतात.
--------------------------------------------------
(४) महिना :-
एक अमावास्येपासून दुसर्‍या अमावास्येपर्यंतच्या
या काळास महिना असे म्हणतात.
--------------------------------------------------
(५) वर्ष  :--
पृथ्वीला सूर्याभोवती एक प्रदक्षिणा पूर्ण
करण्यास लागणारा सुमारे ३६५ दिवसांचा
कालावधी म्हणजे एक वर्ष होय.
--------------------------------------------------
(६) पौर्णिमा  :-
ज्या रात्री चंद्र पूर्ण गोल दिसतो, त्या रात्रीला
पौर्णिमेची रात्र म्हणतात.
--------------------------------------------------
(७) अमावास्या  :--
चंद्र अजिबात दिसत नाही, त्या रात्रीला
अमावास्येची रात्र म्हणतात.
-------------------------------------------------
(८) चंद्रकला  :--
चंद्राचा आपल्याला दिसणारा प्रकाशित भाग
दररोज बदलतो, त्यास चंद्रकला म्हणतात.
--------------------------------------------------
(९) ग्रह  :-
ज्या चांदण्या लुकलुकत नाहीत, त्यांना ग्रह
म्हणतात.
--------------------------------------------------
(१०) लीप वर्ष :--
इसवी सनाच्या संख्येस ४ ने नि:शेष भाग
जात असेल, तर ते वर्ष लीप वर्ष मानले जाते.
--------------------------------------------------
(११) चांद्र कालगणना  :--
ज्या कालगणनेत वर्ष मोजण्यासाठी चंद्राच्या
गतीचा उपयोग केला जातो, ती कालगणना
म्हणजे चांद्र कालगणना होय.
    इस्लाम दिनदर्शिका चांद्र कालगणनेवर
  आधारित आहे.
--------------------------------------------------
(१२) सौर कालगणना :--
ज्या कालगणनेत वर्ष मोजण्यासाठी पृथ्वीच्या  वार्षिक गतीचा उपयोग केला जातो. ती
कालगणना म्हणजे सौर कालगणना होय.
   ग्रेगरियन दिनदर्शिका आणि भारतीय
राष्ट्रीय पंचांग सौर कालगणनेवर आधारित
आहे.

----------------------------------------------
संकलक :- शंकर सिताराम चौरे(प्रा. शिक्षक)
                 जि.प.प्रा. शाळा बांडीकुहेर
                ता. साक्री जि. धुळे
              ¤ ९४२२७३६७७५

English Essays

             A   COW  

  A cow is a very useful animal.
It gives us milk.
   A cow is a very quiet creature.
Sometimes it is frightened . Then
it begins to run . It is dangerous .
   A cow moos . The male a bull.
A baby cow is a calf.

------------------------------------------------

              A  DOG.   
     
      A dog is a tame animal.
It is man's friend. It guards his
House. It barks at strangers. It
can be learn tricks. It likes to
bite a bone
       It does work for man. It
takes care of cattle. It finds out
thieves. It guides the blind.
    There are many kinds of dogs
such as watch-dogs, sheep-dogs,
fox-hounds. A baby dog is called
a pup or puppy.

-----------------------------------------------

              A  CAT

      A cat is a tame animal. 
  It lives among us. It has soft fur.
It is of different colours. It mews
     It loves to sit on a mat. It licks
Paws. It is fond of milk.
     Baby cats are kittens. They
are pretty. They are playful.
Cats often fight. Their cries are
frarful. A cat is called "Pussy".

---------------------------------------------------

              A  HORSE
  
    A horse is a common animal.
It is strong. It is swift. We ride it.
It pulls carriages. Horse-riding is
a very good exercise. Formerly,
people travelled on horse-back.
They fought on horse back.
      The horse is man's friends.
It is clever. It Knows it's master.

SHANKAR CHAURE(teacher)
        z.p.school bandikuher
        tal.sakri dist dhule
      📞 9422736775

उपक्रम - वाचूया, सांगूया

(घटनाक्रम वाचून योग्य क्रमाने वाक्य सांगणे)

  ● कृती :--

  १. शिक्षकाने छोट्या उता-याचे वाक्य योग्य
      क्रमाने फळ्यावर लिहून वाचन करून घ्यावे.
  २. विद्यार्थ्यांनी लक्षपूर्वक वाचावे.
  ३. विद्यार्थ्यांना वाक्य योग्य क्रमाने न बघता
       सांगण्यास सांगावे.
  ४. आवश्यक तेथे शिक्षकांनी मार्गदर्शन करावे.

■ नमुना उतारा संच/ वाक्य संच :--

  १ .आईने धान्य निवडले.
      सुमितने धान्य गिरणीत नेले.
      गिरणीवाल्याने धान्य दळले.
      सुमितने दळण घरी आणले.
      आईने पिठाची भाकरी केली.
--------------------------------------------
  २. सानिया सकाळी लवकर उठली.
      तिने दात घासून तोंड धुतले.
      अंघोळ करून स्वच्छ कपडे घातले.
      जेवण करुन ती शाळेत गेली.
---------------------------------------------
  ३. शाळेची घंटा झाली.
      मुले मैदानावर आली.
      रांगेत उभी राहिली.
      राष्ट्रगीत आणि प्रतिज्ञा झाली.
      मुले परिपाठात रमली.
---------------------------------------------
  ४. मुलांनी माती घेतली.
      पाणी टाकून चिखल केला.
      छान - छान खेळणी बनवली.
      बाईंनी शाबासकी दिली.
--------------------------------------------
५. शाळा सुटली.
    सुप्रिया घरी आली.
   दप्तर नीट ठेवले.
   हात पाय स्वच्छ धुतले.
    शांतपणे खाऊ खाल्ला.
    नंतर खेळायला गेली.
-------------------------------------------
  ६. उन्हाळा सुरू झाला.
      पाण्याची वाफ झाली.
      वाफेचे ढग तयार झाले.
      ढगांना गार हवा लागली
      पाऊस पडू लागला.
-----------------------------------------
संकलक :- शंकर सिताराम चौरे(प्रा.शिक्षक)
                जि. प. प्रा. शाळा बांडीकुहेर
                ता. साक्री जि. धुळे
                ९४२२७३६७७५

आपला भारत

            आपला देश भारत. तो खूप मोठा आहे. भारताच्या उत्तरेकडे जगातील सर्वात उंच हिमालय पर्वत आहे. दक्षिणेकडे हिंदी महासागर आहे. हे भारताचे वैभव आहे.
     गंगा, यमुना,गोदावरी, ब्रम्हपुत्रा, कृष्णा ह्या भारतातील प्रमुख नद्या आहेत. भारतात खनिज- संपत्ती देखील पुष्कळ आहे. हजारो औषधी वनस्पती भारतात सापडतात. पशुपक्ष्यांचे हजारो प्रकार भारतात सापडतात. भारत कलाकुसरी -साठी प्रसिद्ध आहे. भरपूर सूर्यप्रकाश व पाऊस असल्यामुळे भारतात सर्व प्रकारची पिके होतात. भारतात अनेक धर्माचे लोक राहतात.हिंदू,शीख, जैन,मुसलमान, ख्रिश्चन असे कितीतरी धर्माचे लोक एकत्र नांदतात.भारतातील लोकांच्या भाषाही अनेक आहेत. मराठी,  कन्नड, तमिळ,उर्दू , बंगाली, हिंदी इत्यादी. वेगवेगळ्या प्रांतात
काही चालीरीती देखील वेगळ्या आहेत. असे असूनही सगळे भारतीय मनाने एक आहेत. तिरंगी राष्ट्रध्वज, जनगणमन हे राष्ट्रगीत, वाघ राष्ट्रीय प्राणी, कमळ राष्ट्रीय फूल, मोर हा राष्ट्रीय पक्षी, ही भारताची मानचिन्हे आहेत.
    भारताचे नेते देशाच्या विविध भागांतून आलेले आहेत. त्यातील लोकमान्य टिळक,  महात्मा गांधी,  पंडित नेहरू,  सुभाषचंद्र बोस आणि डाॅ. बाबासाहेब आंबेडकर ही नावे भारतातील सर्व लहानथोरांना माहीत आहेत.
   भारतामध्ये अठरा वर्षांवरील प्रत्येक प्रौढाला मतदानाचा हक्क आहे. ह्या पध्दतीने आपण आपले नेते निवडत असतो. राज्यकारभाराची जबाबदारी ते आपल्या वतीने घेत असतात.ह्याला आपण लोकशाही म्हणतो. समता, बंधुभाव, व्यक्ती - स्वातंत्र्य आणि सामाजिक न्याय हा भारताच्या लोकशाही जीवनाचा पाया आहे.

  ✍ शंकर सिताराम चौरे(प्रा. शिक्षक)
        जि.प.प्रा. शाळा बांडीकुहेर 
        ता. साक्री जिल्हा धुळे
       📞 ९४२२७३६७७५

उपक्रम :- पाहुणा ओळखू या !

 कृती :-
  १. पाच विद्यार्थ्यांचा गट करावा.
      गटनायक नेमावा.
 २. गटनायकाने जोडाक्षरी शब्द गट मोठ्याने
    वाचावेत. जे शब्द जोडाक्षरी शब्द गटाशी
   जुळणार नाही ते गटातील इतर विद्यार्थ्यांनी
   ओळखावे.
 ३. शब्द बरोबर ओळखल्यास सर्वांनी टाळ्या
     वाजवून त्या विद्यार्थ्यांचे अभिनंदन करावे.
 ४. सर्व विद्यार्थ्यांना संधी द्यावी.
 ५. शब्द गट बदलून सराव द्यावा.
--------------------------------------------------

 नमुना शब्दगट संच :-

(१)  सर्व  ,  गर्व   ,  कर्म  ,  पर्व.

(२) अर्थ  ,  प्राप्त  ,  पार्थ ,   तीर्थ .

(३)  कर्ण  , वर्ण  , पर्ण  ,  पत्र.

(४)  चर्च  ,  पत्र  ,  मित्र  , चित्र .

(५)  कर्म  ,  देव  ,  मर्म  , धर्म .

(६)  कुत्रा  , जत्रा  , पत्रा  , बारा .

(७)  सूर्य  ,  आर्य  , चंद्र  ,  कार्य.

(८)  प्रकाश , प्रकार , पतंग , प्रवास .

(९) संख्या , सात , नवख्या , सारख्या .

(१०) गोष्ट , कष्ट  , वाट  , नष्ट .

(११) चक्र , चरखा , वक्र , क्रम .

(१२) श्रम , काम  , श्रावण  , श्रीमंत .

(१३)  आंबा  ,  द्राक्षे  , द्रव  , द्रोण .

(१४) वाक्य , शक्य , अशक्य , शब्द .

(१५)  मंत्र  , तंत्र  , यंत्र  , स्वर .

(१६) म्हणाला , म्हणालाी , आपण , म्हणाले.

(१७) पान्हा , गाय , तान्हा , कान्हा.

(१८) उड्या , गाड्या , साड्या , घोडा.

(१९) सगळ्या , बगळा , वेगळ्या , पोळ्या .

(२०) मुंबई , दिल्ली , किल्ली , पिल्ली .

उत्तरे :- १.कर्म,  २.प्राप्त,  ३. पत्र, ४. चर्च,
           ५. देव,  ६. बारा , ७. चंद्र,  ८. पतंग
           ९.सात, १०.वाट, ११. चरखा, १२ काम
           १३.आंबा, १४.शब्द, १५.स्वर,१६.आपण
           १७.गाय, १८. घोडा, १९.बगळा, २०.मुंबई

  लेखन :- शंकर सिताराम चौरे(प्रा.शिक्षक)
             जि. प. प्राथमिक शाळा बांडीकुहेर
             ता. साक्री  जि. धुळे
              ९४२२७३६७७५

Listen and answer.(exercise)

    
● Tell the words that begin with  'a '.
   ( ' a ' ने सुरु होतात असे शब्द सांगा. )

Ans :-   ant,  apple , arm,  all,
        
             animal , axe,  air
             
-----------------------------------------------------

●Tell the words that begin with 'd '.
  ( ' d ' ने सुरूवात होतात असे शब्द सांगा. )

Ans :- dog , doll,  duck,  doctor ,

           date,  door,  donkey,

----------------------------------------------------

● Tell the words that end with ' t '.
   ( ' t ' ने शेवट होतात असे शब्द सांगा.)

Ans :- sit,  net,  hit,  rat,  cat, hut
   
          Pot,  nut ,  cut, cot,  fat.

-------------------------------------------------

● Tell the words that end with ' n '.
   ( 'n ' ने शेवट होतात असे शब्द सांगा.)

Ans :- man,  fan,  can,  van, pan,

        Pen,   den,  ten,    hen , lion.

-------------------------------------------------
         
●  Tell the words that end with ' ll '.
    ( ' ll ' ने शेवट होता असे शब्द सांगा.)

Ans :- bell,  fell,  tell,  wall,  ball,
        
         call,  all,  fill,  sell , bill,  hill,

         Kill ,  Mill,  drill,    pill,     till

--------------------------------------------------

● Tell the words with  ' ee '.
   ( ' ee ' असलेले शब्द सांगा. )

Ans :- feet,  Queen,  tree, green,

          seen  , three , sheep, jeep.

-------------------------------------------------

● Tell the words with  ' oo '.
   ( ' oo ' असलेले शब्द सांगा. )

Ans :- book,  look,  hook,  cook,

           Cool,   wool,  tool,  pool,

          fool,  moon,  noon,  soon.

-------------------------------------------------

संकलन :- शंकर सिताराम चौरे(प्रा.शिक्षक)
              जि. प. प्रा.शाळा बांडीकुहेर
              ता. साक्री जि. धुळे
                9422736775

उपक्रम :-- घरातली भांडी

           
🔹आपल्या घरात कोणकोणती भांडी असतात,
त्याची यादी करा. त्या भांड्याचा वापर आपण
कशासाठी करतो ते लिहा.

भांड्यांचा प्रकार    -  उपयोग

१.पातेली       - भात,भाजी, आमटी शिजवणे.

२.तवा     -  चपात्या,पोळ्या शकणे.

३.कढई   - तळणीचे पदार्थ तयार करणे.

४.कुकर  - डाळ,तांदूळ एकाच वेळी कमी उर्जा
               वापरून शिजवणे,बटाटे उकडणे.

५.परात - पीठ शिजवणे,कणीक मळणे,धान्य     
              वाळवणे.
६.वेळणी - भांड्यावर झाकण म्हणून वापरणे.

७.कप - चहा,कॉफी, दूध अशी गरम पेये पिणे.

८.बशी-   गरम पेय गार करण्यासाठी वापरणे,
             कपाला आधार असणे.
९.भगोणे - साय साठवून ठेवणे.

१०. फळी - फोडणी देणे.

११.ताटे - जेवण वाढण्यासाठी व खाण्यासाठी
               वापरणे.
१२.वाट्या - आमटी व इतर रसदार पदार्थ      
                 खाण्यासाठी.
१३.पेला - पाणी व इतर पेये पिणे.

१४.हंडा - पाणी भरून ठेवण्यासाठी वापरणे.

१५.कळशी - पाणी आणण्यासाठी व भरून
                  ठेवण्यासाठी वापरणे.
१६. तपेली - पाणी तापवण्यासाठी वापरणे.

१७. गाळणी - चहा,  सरबत गाळणे.

१८.चाळणी - पीठ व तृणधान्य चाळणे.

         संकलक :-
                    शंकर चौरे(प्रा.शि.)
                   जि.प.शाळा बांडीकुहेर
                   ता.साक्री(धुळे )
                 📞९४२२७३६७७५
       

इंग्रजी शब्दाला मराठी प्रतिशब्द

(1)  बाॅल    --  चेंडू

(2)  मॅच     --  सामना

(3)  टाॅस    --  नाणेफेक

(4)  स्टम्प   --  यष्टी

(5)  पॅड     --  पायरक्षक

(6)  रनआऊट  --  धावचीत

(7) बाॅलिंग     --  गोलंदाजी

(8)  बाॅलर   --  गोलंदाज

(9)  क्रिकेट   --  चेंडूफळी

(10) सिक्सर   --  षटकार

(11) विकेटकीपर  --  यष्टिरक्षक

(12) अम्पायर   --   पंच   

(13)  रन्स्       --  धावा

(14) बॅट्समन   --  फलंदाज

(15)  कॅच    --  झेल

(16)  बॅटिंग    --  फलंदाजी

(17)  कॅप्टन   --  कर्णधार

(18) आऊट   -- बाद

(19) कॉमेंट्री    --  समालोचन

(20) हॉस्पिटल   -- इस्पितळ , रूग्णालय

(21)  अॅम्बुलन्स   --  रुग्णवाहिका

(22)  बॅडेज   --  मलमपट्टी

(23)  कोर्ट     --  न्यायालय

(24)  काॅलेज   --  महाविद्यालय

(25)  हायस्कूल  -- माध्यमिक शाळा

(26)  टेलिव्हिजन  --  दूरदर्शन

(27)  अ‍ॅक्टर   --  अभिनेता

(28)  सिंगर   --  गायक

(29) रोड   --  रस्ता

(30)  रेल्वे    --  आगगाडी 

(31) सायंटिस्ट  --  शास्त्रज्ञ

(32) डायलॉग   --  संवाद

(33) स्टेशन   --  स्थानक

(34) ब्रश   --  कुंचला

(35) पेंटर    --  रंगारी

(36) शर्ट   --  सदरा

(37) आॅफिस   --  कार्यालय.

संकलन :- शंकर सिताराम चौरे(प्रा.शिक्षक)
              जि.प प्रा.शाळा बांडीकुहेर
              ता. साक्री जि. धुळे
               ९४२२७३६७७५

लिहिणा-यांची(अदलाबदली) गटशर्यत

                  उपक्रम

● लक्षपूर्वक ऐका आणि खेळ खेळा--

- लिहिणा-यांची अदलाबदली गटशर्यत
शेवटच्या बाकापासून सुरू करावी.
शिक्षकांनी एक शब्द सांगावा. एका
बाकावरील विद्यार्थ्यांनी शिक्षकांनी
सांगितलेल्या शब्दांशी संबंधित शक्य
तेवढे शब्द /शब्दसमूह लिहून काढावेत.
त्यांना हे शब्द/शब्दसमूह एका मिनिटात
लिहायचे आहेत. त्यांनी तो कागद पुढच्या
बाकावरील विद्यार्थ्यांना द्यावा. प्रत्येक
बाकावरील विद्यार्थ्यांना एक मिनिटाचा
कालावधी मिळेल. त्यांनी त्या कागदावर
नवीन शब्दांची भर घालावी. शेवटी
शिक्षकांनी/गटप्रमुखांनी पहिल्या बाकावरून
कागद जमा करावेत. गटप्रमुखांने
कागदावरील शब्द वाचून दाखवावेत.
जास्तीत जास्त शब्द/ शब्दसमूह लिहिणारे
विद्यार्थी शर्यत जिंकतील. अर्थातच,शब्द
अचूक असणे आवश्यक आहे ! सर्वांना
शुभेच्छा. चला तर मग, शर्यत सुरू करूया.

■ शर्यतीसाठी शब्द :--

(१) पक्षी :--

--- उडणे, पंख,  घरटे, चोंच, पिसे,
रंगीबेरंगी, लहान, मोठे, सुंदर, पाळीव,
जंगली, झाडे, पोपट,  कोंबडी, अंडी,
थवा, पाय, नख्खा इ.

------------------------------------------

(२) भाजीपाला :--

---- हिरवा, चवदार, कापणे, चिरणे, अन्न,
शिजवणे, भेंडी, मेथी,बटाटा इ.

-----------------------------------------

(३) फुले :-

---- माळ,  पूजा, गजरा, बाग, गुलाब,
झेंडू, देठ, सुगंध, गुच्छ, पिवळे, लाल,
कळी, अत्तर, मोगरा इ.

-------------------------------------------

(४) घर :--

---- खांब, भिंत, खोली, वीट, दरवाजा,
खिडकी, छप्पर, पडवी, जिना, मजला,
स्नानगृह, शौचालय, चौकट, उंबरठा इ.

-------------------------------------------

संकलक :- शंकर सिताराम चौरे(प्रा.शिक्षक)
              जि.प प्रा.शाळा बांडीकुहेर
               ता.साक्री जि.धुळे
                 ९४२२७३६७७५

महात्मा गांधी

 

    महात्मा गांधी आमचे राष्ट्रपिता आहेत.
त्यांचे नाव मोहनदास गांधी असे होते.
त्यांच्या वडिलांचे नाव करमचंद व आईचे
नाव पुतळीबाई होते. गांधीजींचा जन्म
२ आॅक्टोबर, १८६९  ला गुजरात मधील
पोरबंदर या ठिकाणी झाला. लहानपणी
मोहनदास अभ्यासात साधारण होते, पण
त्यांच्या मनात आई - वडिल व गुरूजनांविषयी
अतोनात आदर होता. मॅट्रिक परीक्षा पास
झाल्यानंतर पुढच्या शिक्षणासाठी इंग्लंडला
गेले. ते बॅरिस्टर झाले आणि वकिली करू
लागले.
     इंग्लंडहून बॅरिस्टरची पदवी घेऊन ते भारतात
आले. काही दिवस वकिली म्हणून काम
केल्यावर एका खटल्यासाठी त्यांना दक्षिण
आफ्रिका येथे जावे लागले. तेथे अनेक
भारतीय व्यापारी आणि मजूर रहात होते.
त्यांच्यावर फारच अन्याय होत असत.
भारतीयांच्या हक्कासाठी अहिंसक लढा दिला.
शेवटी त्याचा जय झाला.
     गांधीजी  जेव्हा भारतात परतले तेव्हा येथे
सुध्दा जनतेच्या हालअपेष्टा त्यांना पहावल्या
नाहीत. भारताला स्वातंत्र्य मिळून देण्यासाठी
त्यांनी एक विचारांची अखंड चळवळ उभी
केली.भारतीयांना इंग्रजांच्या अन्यायी,अत्याचारी,
जुलमी सत्तेतून बाहेर करण्यासाठी सत्याग्रहाच्या
व उपोषणाच्या मार्गाने मुक्त करण्याचा निर्धार
केला. देशासाठी त्यांनी अनेक वेळा तुरुंगवास
भोगला. गांधींचे संपूर्ण जीवन त्यागाचे होते.
म्हणून त्यांना लोक 'बापू ' म्हणत. तसेच
त्यांच्या अलौकिक कार्यामुळे लोकांनी त्यांना
 'महात्मा ' ही पदवी दिली. सारा देश त्यांना
राष्ट्रपिता म्हणून ओळखतो.
      इंग्रजांना भारतातून हाकलून देण्यासाठी
अहिंसा, असहकार, स्वदेशीचा वापर या
सूत्रांनुसार त्यांनी इंग्रजांना देश सोडण्यास भाग
पाडले. 'चले जाव ' चळवळ, दांडी यात्रा अशा
विधायक मार्गाचा वापर करून भारताला
१५ आॅगस्ट १९४७ साली स्वातंत्र्य मिळाले.
   देश स्वतंत्र झाला; परंतु देशाची फाळणी
झाली. एका देशाचे दोन देश निर्माण झाले.
काहींना ही गोष्ट खटकली आणि याच
कारणामुळे ३०जानेवारी १९४८ रोजी महात्मा
गांधीजींची हत्या झाली. ते काळाच्या पडद्याआड
गेले.

संकलन :- शंकर सिताराम चौरे(प्रा.शिक्षक)

               जि.प. प्रा. शाळा बांडीकुहेर 
               ता.साक्री जि.धुळे 
                ९४२२७३६७७५