काननदी तिरी
माझं वसलेल गाव
कसं शोभुनी दिसतं
त्याचं काकरपाडा नाव
साऱ्या गावाचं दैवत
डोंग-यादेवाशी नातं
डोंग-यादेवाच्या उत्सवाला
जमा होती गणगोतं
दिसे रेशमी गड
निवळा डोंगरावर शिव
मनोमनी आठवावं
निसर्ग देवाचं वैभव
डोंग-यादेवाच्या पायी
झाली पुण्यवाणं माती
तया जोडुनी कर
पिके नागली, भाताची शेती
कौलारू घरं टुमदार
पहावं तिकडं झाडी - डोंगर
असा माझा आदिम गाव
तिथं माणुसकीला वाव
==================
कवी :- शंकर चौरे
काकरपाडा ता. साक्री जि. धुळे
No comments:
Post a Comment