निबंध वाचा व प्रश्नांची उत्तरे सांगा.
माझा आवडता पक्षी -कावळा
कावळा हा सर्वांच्या परिचयाचा पक्षी आहे.
त्याचा रंग काळाकुट्ट असतो. मानेजवळचा
भाग मात्र करडा असतो. त्याची चोच खूप
मोठी असते. त्याचा आवाज कर्कश असतो.
तो काव -काव असे ओरडतो. तो एखाद्या
वस्तूकडे बघताना मान वाकडी करून बघतो.
तो खूप चलाख असतो. बघता बघता तो
एखादी वस्तू चोचीत उचलून नेतो.
तो उंच झाडावर आपले घरटे बांधतो. तो
अळ्या, किडे आणि जे इतर काय मिळेल
ते खातो. तो घाणेरड्या वस्तूसुद्धा खातो.
म्हणून त्याला साफसफाई करणारा पक्षी
म्हणतात. एखादा कावळा मरून पडल्यास
तेथे काव -काव करत अनेक कावळे एकत्र
जमतात.
लहान मुलांना हा पक्षी आवडतो. त्यांना
झोपताना कावळ्याच्या गोष्टी ऐकायला आवडते.
========================
प्रश्न :- खालील प्रश्नांचीउत्तरे सांगा.
१.कावळ्याचा रंग कसा असतो ?
२.कावळ्याच्या मानेजवळचा भाग
कसा असतो ?
३.कावळ्याची चोच कशी असते ?
४.कावळ्याचा आवाज कसा असतो ?
५. कावळा घरटे कुठे बांधतो ?
६. कावळा काय -काय खातो ?
७. खूप कावळे एकत्र केव्हा येतात ?
लेखन :- शंकर सिताराम चौरे(प्रा.शिक्षक)
जि.प प्रा.शाळा बांडीकुहेर
ता.साक्री जि.धुळे
📞 ९४२२७३६७७५
No comments:
Post a Comment