माहिती /मजकूर ऐकू, प्रश्नांची उत्तरे देऊ.

भाषिक -- उपक्रम (इ.१ली /२री)
                           
● साहित्य :- छोटे उतारे असलेली कार्डे, त्यावरील प्रश्न.

●कृती-
          १. शिक्षकांनी स्वतः उताऱ्याचे प्रकटवाचन  करून माहिती सांगावी. माहिती सांगण्यापूर्वी ती लक्षपूर्वक ऐकण्याविषयी विद्यार्थ्यांना सूचना द्यावी. तसेच त्या माहितीवर आधारित प्रश्नांची उत्तरे त्यांना द्यावयाची आहेत,याची कल्पना द्यावी.
          २.उता-यावर आधारित प्रश्न विचारावेत.
          ३. उतारे बदलून सर्व विद्यार्थ्यांना उत्तरे देण्यात सहभागी होण्याची संधी द्यावी.

■ उतारा  १. 
         पाऊस पडला.
         बाजरी पेरली.
         बाजरी उगवली.
         रोपे हळूहळू वाढू लागली.

    प्रश्न -
      १. पाऊस पडल्यावर काय पेरले  ?
      २. रोपे कशी वाढू लागली  ?

======================    
■ उतारा  २.  
         दादाने बाजारातून भाजी आणली.
         ताईने भाजी केली.
         आईने पोळी केली.
         बाबांनी ताटे मांडली.
         सर्वांनी पोळी भाजी खाल्ली.

     प्रश्न --
    १. भाजी कुणी आणली ?
    २. भाजी कुणी केली  ?
    ३. बाबांनी कोणते काम केले  ?
    ४. पोळी -भाजी कुणी खाल्ली  ?

   ========================
■ उतारा  ३. 
         आईने धान्य निवडले.
          सुमितने धान्य गिरणीत नेले.
          गिरणीवाल्याने धान्य दळले.
          सुमितने दळण घरी आणले.
          आईने पिठाची भाकरी केली.

       प्रश्न --
      १ धान्य कोणी निवडले   ?
      २. धान्य गिरणीत कोणी नेले ?
      ३. भाकरी कोणी केली  ?
==========================
संकलक :-  शंकर सिताराम चौरे (प्रा. शिक्षक)
                 धुळे/ ९४२२७३६७७५