तर्कसंगती व अनुमान काढून उत्तर द्या.

  
(१) सुमितला चार काका आहेत, तर नाशिकला
      राहणाऱ्या त्याच्या काकांना भाऊ किती ?
--------------------------------------------------

(२) आदित्यचे वय आर्यनच्या वयाच्या दुप्पट
      आहे. आर्यनचे वय ८ वर्षे असल्यास
      आदित्यचे वय किती  ?
--------------------------------------------------

(३) सुप्रियाचे वय सृष्टीच्या वयाच्या निम्मे आहे.
      सृष्टीचे वय २६ वर्षे असल्यास सुप्रियाचे
      वय किती ?
--------------------------------------------------

(४) सुनिता अनिता पेक्षा उंच आहे. अनिता
      सोनाली पेक्षा उंच आहे, तर सर्वात उंच कोण ?
--------------------------------------------------

(५) शेव पेक्षा वडा तिखट, वड्यापेक्षा चिवडा तिखट
      आहे, तर सर्वात तिखट काय  ?
--------------------------------------------------

(६) कैरी चिंचेपेक्षा आंबट आहे, चिंच बोरापेक्षा
      आंबट आहे, बोर आवळ्यापेक्षा आंबट आहे
      तर सर्वात कमी आंबट काय आहे ?
--------------------------------------------------

(७) एका रांगेत सानियाच्या पुढे सहा व मागे आठ
      मुली आहेत तर रांगेत एकूण मुली किती  ?
--------------------------------------------------

(८) दर्शनाच्या वाढदिवसासाठी आणलेल्या
      आयताकृती केकचे समान सहा भाग
      करण्यासाठी त्याला किती ठिकाणी कापावे
      लागेल ?
--------------------------------------------------

(९) एक दोर सात ठिकाणी कापला तर त्याचे
     किती तुकडे होतील ?
--------------------------------------------------

(१०) २ मीटर अंतर या प्रमाणे एक झाड
       लावल्यास २० मीटर अंतरावर किती
       झाडे लावावी लागतील  ?
============================
उत्तरे :- (१) ४ ,  (२) १६ ,   (३) १३ ,   (४) सुनिता
          (५) चिवडा ,  (६) आवळा ,  (७) १५ ,
          (८) ३ ,  (९) ८ ,  (१०) ११ .        
=========================     
संकलक :- शंकर सिताराम चौरे(प्रा. शिक्षक)
                 [ धुळे ] ९४२२७३६७७५