' कान ' या अवयवांशी संबंधित वाक्प्रचार व त्यांचे अर्थ

================================

(१) कानात बोळे घालणे.
---  मुद्दाम न ऐकणे.

(२) कान झाकून घेणे.
---  न ऐकणे,  बोलण्याकडे दुर्लक्ष करणे.

(३) कान फुंकणे .
---  दुसर्‍याची निंदानालस्ती करणे.

(४) कानपिचक्या देणे.
---  दोष दाखवण्यासाठी समज देणे.

(५) कान भरणे.
---  एखाद्याविषयी संशय किंवा गैरसमज
     निर्माण करणे.

(६) कानीकपाळी ओरडणे.
---  वारंवार बजावून सांगणे.

(७) कानाखाली वाजवणे.
---  मारणे,  कानशिलात भडकावणे.

(८) कान उपटणे.
---  समज देणे,  अद्दल घडवणे.

(९)  कान धरणे.
---  शिक्षा करणे.

(१० ) कान फुटणे.
---  अजिबात ऐकू न येणे,  बहिरे होणे.

(११) कान किटणे.
---  एखादी गोष्ट पुन्हा पुन्हा ऐकून कंटाळणे.

(१२) कान देणे.
---  लक्षपूर्वक ऐकणे.

(१३) कानठळ्या बसणे.
---  कर्कश आवाजामुळे ऐकू न येणे.

(१४) कर्णोपकर्णी होणे.
---  सर्वांना समजणे.

(१५) हलक्या कानाचा असणे.
---  खोटी गोष्ट लगेच खरी वाटणे.

(१६) कानात बोटे घालणे.
---  नको असलेली भयंकर गोष्ट न ऐकणे.

(१७) कानी लागणे.
---  एखाद्याच्या गुप्तपणे चहाड्या करणे.

=============================     

संकलन :- शंकर सिताराम चौरे(प्रा. शिक्षक)
              ( पिंपळनेर )  धुळे
             📞९४२२७३६७७५