ओळखा पाहू मी कोण ?

(१) दिसत नाही कधी कुणाला

पण जाणवतो क्षणाक्षणाला

छातीच्या पिंजऱ्यात लपून असतो

भीती वाटली तर धडधडतो

ओळखा पाहू मी कोण ?

-------------------------------

(२) घर सारविण्यासाठी उपयोग होतो

 माझ्यापासून बायोगॅस तयार होतो

 कुजल्यावर मी खत होतो 

ओळखा पाहू मी कोण ?

-------------------------------------

(३) माझ्यापासून बनवितात स्वेटर 

घोंगडी बनवून वापरतो धनगर

थंडी, वाऱ्यापासून बचाव करण्यासाठी माझा वापर

ओळखा पाहू मी कोण ?

--------------------------------------

(४) झाडांना मी आधार देतो

 क्षार व पाणी शोषून घेतो

 त्यांना खोडाकडे मी पाठवितो. 

ओळखा पाहू मी कोण 

-------------------------------------

(५) तऱ्हेतऱ्हेचे रंग मजेचे

वेगवेगळ्या आकाराचे आणि सुगंधाचे 

म्हणून देवालाही आवडतो आम्ही 

फळांना जन्म देतो आम्ही

ओळखा पाहू आम्ही कोण ?

-----------------------------------------

उत्तरे --

 (१) हृदय (२) शेण (३) लोकर (४) झाडाचे मूळ (५) फुले

=========================

संकलक :- शंकर सिताराम चौरे ( प्रा. शिक्षक )

 जिल्हा परिषद प्राथमिक शाळा - जामनेपाडा

केंद्र - रोहोड, ता. साक्री, जि. धुळे

९४२२७३६७७५