(१) तुरुतुरू पळते
शेंगा मी खाते
राहते मी झाडावर
तीन पट्टे पाठीवर
उत्तर --- खार
----------------------
(२) जोरात पळतो
पाने मी खातो
पोटात माझ्या कस्तुरी
पांढरे ठिपके अंगावरी
उत्तर --- हरीण
-------------------------
(३) उंच माझी भरारी
रुबाब माझा भारी
पक्ष्यांचा मी राजा
नागाला देतो मी सजा
उत्तर --- गरूड
---------------------------
(४) मी करतो हुपहूप
शेपटीला माझ्या शेरभर तूप
झाडावरून उड्या मारतो
पेरू आणि केळी खातो
उत्तर --- माकड
------------------------------
(५) माझा नुसता चिवचिवाट
पिले माझी पहातात वाट
धान्य माझ्या आवडीचे
चोचीने टिपून खायचे
उत्तर --- चिमणी
-----------------------------
(६) मी जंगलाचा राजा
माझ्याबरोबर करू नका मजा
ऐकता माझी डरकाळी
सुरू होते पळापळी
उत्तर --- सिंह
-------------------------------
(७) कावऽ कावऽ करीतो
पाहुण्यांची चाहूल देतो
चिऊताई म्हणे मला चोर
रंग माझा काळाभोर
उत्तर --- कावळा
-------------------------------
(८) मला म्हणतात मनीमाऊ
शरीर माझे मऊ मऊ
मी करते दूध फस्त
म्यँव म्यँव करते मस्त
उत्तर --- मांजर
------------------------------
(९) रंग माझा काळा
गोड माझा गळा
कुहुकुहू गाणे माझे
स्वर नांदे चहूकडे
उत्तर --- कोकीळ
------------------------------
(१०) मी आहे इमानदार
मला म्हणतात राखणदार
भूऽ भूऽ भुंकतो
मालकावर जीव लावतो
उत्तर --- कुत्रा
------------------------------
(११) लाल लाल माझा तुरा
पळतो नुसतो भराभरा
रंगीबेरंगी रंग माझा
कुकुचकू कुकूचकू ओरडणारा
उत्तर --- कोंबडा
------------------------------
(१२) चालण्याचा रुबाब फार
पाठीवर माझ्या मदार
मी आहे उंच खूप
वाळवंटासाठी अनुरूप
उत्तर --- उंट
------------------------------
(१३) विठू विठू बोल माझे
मिरची पेरू आवडीचे
हिरवे हिरवे अंग माझे
लाल चुटूक चोचीचे
उत्तर --- पोपट
------------------------------
(१४) कापसासारखे अंग अन्
लाल डोळ्यातून बघतो
गवत, गाजर खातो अन्
तुरूतुरू गवतावर धावतो
उत्तर --- ससा
-----------------------------
(१५) पाऊस मला खूप आवडतो
पिसारा फुलवून मी नाचतो
मी नाचतो आंब्याच्या वनात
रंगून जाल मला पहात
उत्तर --- मोर
-----------------------------
(१६) सुपासारखे कान माझे
सोंड माझी खूपच मोठी
मी आहे काळा कुट्ट
पोट माझे गले लठ्ठ
उत्तर ---हत्ती
==========================
संकलक :- शंकर सिताराम चौरे (प्रा. शिक्षक)
जिल्हा परिषद प्राथमिक शाळा जामनेपाडा
केंद्र - रोहोड, ता. साक्री, जि. धुळे
९४२२७३६७७५ / ७७२१९४१४९६
No comments:
Post a Comment