थोडे आठवा ( म्हणजे काय ? )

(१)भूचर :--
-- जे प्राणी  जमिनीवर राहतात, त्यांना
   भूचर म्हणतात.  उदा. मांजर, कोल्हा.

(२)जलचर :--
-- जे प्राणी पाण्यात राहतात, त्यांना
   जलचर असे म्हणतात. उदा. मासा.

(३)उभयचर :--
-- जे प्राणी जमीन व पाणी या दोन्ही
   ठिकाणी राहू शकतात,त्यांना 'उभयचर '
   म्हणतात.  उदा. बेडूक.

(४)वृक्ष :--
-- खूप उंच वाढणार्‍या टणक व मजबूत
   खोड असलेल्या वनस्पतींना वृक्ष
   म्हणतात.  उदा.  आंबा,  वड,  माड.

(५)झुडूप :--
-- टणक व मजबूत खोडाच्या; पण मध्यम
   उंची असलेल्या वनस्पतींना झुडूप
   म्हणतात.  उदा. संत्रे,  लिंबू, कण्हेर.

(६)वेल :--
-- कमकुवत खोड असणाऱ्या आणि
  आधाराने वाढणार्‍या वनस्पतींना
  वेली म्हणतात.  उदा. काकडी. भोपळा.

(७)रोपटी :--
-- मऊ आणि लवचिक खोड असलेल्या
  वनस्पतींना रोपटी म्हणतात. उदा. तुळस.

(८)वन :--
--एखाद्या प्रदेशात वृक्ष, झाडे- झुडपे, वेली,
  गवत इत्यादी निरनिराळ्या प्रकारच्या
  अनेक वनस्पती नैसर्गिकरीत्या वाढतात.
  अशा परस्परावलंबी समूहास 'वन'     

  म्हणतात.

(९)वन्यप्राणी :--
-- जे प्राणी निसर्गाच्या सान्निध्यात राहतात.
   आणि नैसर्गिक जीवन जगतात, त्यांना
   वन्यप्राणी म्हणतात. उदा. वाघ,कोल्हा .

(१०)शाकाहारी प्राणी :--
--- वनस्पतीजन्य पदार्थ खाऊन जे प्राणी
    आपली अन्नाची गरज भागवतात.
    त्यांना  ' शाकाहारी प्राणी ' म्हणतात.
    उदा. गाय, हरिण, बैल, गाढव. 

(११)मांसाहारी प्राणी :--
--- जे प्राणी इतर प्राण्यांचे मांस खाऊन
    आपली उपजीविका करतात, त्यांना
    'मांसाहारी ' प्राणी म्हणतात.
    उदा. सिंह , साप, घार, वाघ.

(१२)उभयाहरी प्राणी :--
--- जे प्राणी वनस्पतिजन्य पदार्थ त्याचप्रमाणे
     मांस खाऊन आपली अन्नाची गरज
     भागवतात, त्यांना ' उभयाहारी प्राणी '
    म्हणतात.  उदा. मानव, कुत्रा, मांजर.

     संकलक:-- शंकर चौरे (प्रा.शिक्षक)
                    जि.प प्रा.शाळा बांडीकुहेर
                    ता.साक्री जि.धुळे
                    ९४२२७३६७७५