.... तर काय होईल ते सांगा.

        ( सामान्य विज्ञान )

(१) मीठ पाण्यात टाकले.

---  मीठ हा पाण्यात सहज विरघळणारा पदार्थ
     आहे.  म्हणून मीठ पाण्यात टाकले तर विरघळेल.
--------------------------------------------------

(२) काच खाली पडली.

---  काच खाली पडली तर ती फुटेल. कारण
       काच हा ठिसूळ पदार्थ आहे.

--------------------------------------------------

(३) गरम पाण्यात मीठ टाकले.

---  गार पाण्यापेक्षा गरम पाण्यात मीठ टाकले
       तर ते लवकर विरघळेल; कारण द्रवाचे
       ( पाणी ) तापमान वाढवले की विद्राव्य
       स्थायूची  (मीठ ) द्रवात विरघळण्याची क्रिया सुलभ होते.

--------------------------------------------------

(४) पिठीसाखर पाण्यात टाकली.

---  पिठीसाखर हा विद्राव्य पदार्थ आहे. तसेच
      पिठीसाखरेचे कण साखरेपेक्षा बारीक
      असतात. पदार्थांच्या कणांचा आकार
      जेवढा लहान तेवढी विरघळण्याची क्रिया
      जलद होते. म्हणून पिठीसाखर पाण्यात जलद विरघळते.
--------------------------------------------------

(५) गरम वस्तू नुसत्या हातांनी उचलली  ?

---  गरम वस्तू नुसत्या हातांनी उचलल्यामुळे
      गरम वस्तूचा हाताला चटका बसेल.

--------------------------------------------------

(६) आईस्क्रीमचा कप उन्हात तसाच ठेवला.

---  कपातील आईस्क्रीम उन्हाच्या उष्णतेने
      वितळेल आणि स्थायू अवस्थेतील आइसक्रीमचे
       रूपांतर द्रव अवस्थेत होईल. 

-------------------------------------------------

(७) वाटीतील मेणाच्या तुकड्यांना उष्णता दिली.

---  वाटीतील मेणाच्या तुकड्यांना उष्णता दिली
       की, थोड्या वेळाने मेणाचे तुकडे वितळू
       लागतील. उष्णता दिल्याने स्थायूरूप मेणाचे
       द्रवरूप मेणात रूपांतर होईल.
   =============================
संकलक :- शंकर सिताराम चौरे  (प्रा. शिक्षक)
             पिंपळनेर ता. साक्री जिल्हा धुळे
             9422736775