मानवी शरीराविषयी थोडक्यात व्याख्या

(१)आंतरेद्रिये  :-
--- शरीराच्या आतील भागात असणाऱ्या इंद्रियांना आंतरिंद्रये म्हणतात.
--------------------------------------------------

(२) रक्तवाहिन्या  :-
---  आपल्या शरीरात नलिकांमधून रक्त पुढे पुढे जात असते. या नलिकांना रक्तवाहिन्या म्हणतात.
--------------------------------------------------

(३) रक्ताभिसरण  :-
---  रक्तवाहिन्यांमधून रक्ताची ह्रदयाकडून शरीराच्या वेगवेगळ्या भागांकडे आणि तेथून परत हृदयाकडे अशी ने - आण सतत सुरू असते, याला रक्ताभिसरण म्हणतात.
--------------------------------------------------

(४)केशवाहिन्या  :-
---  केसांसारख्या अतिशय लहान रक्तवाहिन्यांना केशवाहिन्या म्हणतात.
--------------------------------------------------

(५) श्वास  :-
---  श्वास घेणे म्हणजे नाकाने बाहेरील हवा फुप्फुसांत घेणे.
--------------------------------------------------

(६) उच्छ्वास  :-
--- फुप्फुसांतील हवा नाकावाटे बाहेर सोडणे या क्रियेला उच्छ्वास म्हणतात.
--------------------------------------------------

(७) श्वासोच्छवास :-
---  श्वास घेणे आणि श्वास सोडणे या एकापाठोपाठ होणाऱ्या दोन क्रियांना श्वासोच्छवास म्हणतात.
--------------------------------------------------

(८) श्वसन  :--
---  हवेतील आॅक्सिजन शरीरात घेणे व शरीरातील कार्बनडायआॅक्साइड वायू बाहेर सोडणे याला श्वसन म्हणतात.
--------------------------------------------------

(९) श्वासनलिका :--
-- श्वासाबरोबर  आत घेतलेली हवा फुप्फुसांपर्यत
पोहोचवण्यासाठी असणाऱ्या नळीला श्वासनलिका म्हणतात.
 -------------------------------------------------

(१०) ज्ञानेंद्रिये  :-
--- आपल्याला निरनिराळ्या गोष्टींचे ज्ञान देणाऱ्या,माहिती देणाऱ्या शरीराच्या अवयवांना ज्ञानेंद्रिये म्हणतात.  डोळे,  कान, नाक, जीभ आणि त्वचा ही पाच ज्ञानेंद्रिये आहेत.
--------------------------------------------------

(११) अन्नपचन  :-
---  खालेल्या अन्नाचे रूपांतर विद्राव्य घटकांत
 होऊन ते नंतर रक्ततात मिसळणे या क्रियेला अन्नपचन म्हणतात.
============================
संकलक :- शंकर सिताराम चौरे (धुळे )
            पिंपळनेर ता. साक्री जि. धुळे
            ९४२२७३६७७५