म्हणजे काय ? ( भाषिक सामान्यज्ञान )

(१) ' टाकसाळ ' म्हणजे काय ?
उत्तर -- नाणी बनविण्याचा कारखाना.

(२) ' वैमानिक ' म्हणजे काय ?
उत्तर -- विमान चालवणारा.

(३) ' अतिवृष्टी ' म्हणजे काय ?
उत्तर -- खूप पाऊस पडणे.

(४) ' कारागृह ' म्हणजे काय ?
उत्तर -- कैदी ठेवण्याची जागा.

(५) ' दानशूर ' म्हणजे काय ?
उत्तर -- खूप दानधर्म करणारा.

(६) 'पाणबुडी ' म्हणजे काय ?
उत्तर -- पाण्याखालून चालणारी बोट.

(७) ' वाटाघाटी ' म्हणजे काय ?
उत्तर -- मतभेद मिटविण्यासाठी केलेली बोलणी.

(८) 'वखार ' म्हणजे काय ?
उत्तर -- धान्य साठवण्याची बंदिस्त जागा.

(९) ' वासा ' म्हणजे काय ?
उत्तर -- घराच्या छताला आधार देणारे लाकूड.

(१०) ' बेवारशी ' म्हणजे काय ?
उत्तर -- वारस नसलेला.

(११) ' मितभाषी ' म्हणजे काय ?
उत्तर -- मोजकेच बोलणारा.

(१२) ' धर्मातर ' म्हणजे काय ?
उत्तर -- एका धर्मातून दुस-या धर्मात जाणे.

(१३) ' जन्मभूमी ' म्हणजे काय ?
उत्तर -- जेथे जन्म झाला ती भूमी.

(१४) ' आदिवासी ' म्हणजे काय ?
उत्तर -- अगदी पूर्वीपासून राहणारे मूळ निवासी.

(१५) ' दंतकथा ' म्हणजे काय ?
उत्तर -- तोंडातोंडी चालत आलेली गोष्ट.

(१६) ' साक्षर ' म्हणजे काय ?
उत्तर -- लिहिता - वाचता येणारा.

(१७) ' निरक्षर ' म्हणजे काय ?
उत्तर -- लिहिता - वाचता न येणारा.

(१८) ' असंख्य ' म्हणजे काय ?
उत्तर -- मोजता येणार नाही असे.

(१९) पूर्वाभिमुख ' म्हणजे काय ?
उत्तर -- पूर्वेकडे तोंड करून असलेला .

(२०) ' वाटाड्या ' म्हणजे काय ?
उत्तर -- वाट दाखवणारा.
=================================
लेखन :- शंकर सिताराम चौरे ( प्रा. शिक्षक )
जिल्हा परिषद प्राथमिक शाळा जामनेपाडा
केंद्र - रोहोड, ता. साक्री, जि. धुळे
९४२२७३६७७५