१. झाडावर राहतो,
वसंतात गातो,
काळा जरी मी
आनंद पसरवतो.
मी कोण ?
उत्तर :-- कोकीळ
------------------------------------
२. समुद्रकिनारी राहतो,
उंच उंच वाढतो,
शुभकार्यात माझ्या फळाला
फारच मान मिळतो.
मी कोण ?
उत्तर :-- नारळ
-------------------------------------
३. माझ्या पानांचे तोरण करतात,
फुलांना 'मोहोर' म्हणतात,
सुमधुर फळांची सर्वच
वाहव्वा करतात.
मी कोण ?
उत्तर :-- आंब्याचे झाड
-------------------------------------
४. मातीत मी राहतो
अन् ती सुपीक बनवतो,
शेतकरीदादा शाबासकी देतो.
मी कोण ?
उत्तर :-- गांडूळ
-----------------------------------
५. डोंगरावरून येते,
सदैव धावते,
शेते आणि माणसांना
उपयोगी पडते.
मी कोण ?
उत्तर :-- नदी
=========================
संकलक :- शंकर सिताराम चौरे ( प्रा. शिक्षक )
जि. प. प्रा. जामनेपाडा, केंद्र - रोहोड
ता. साक्री, जि. धुळे
९४२२७३६७७५
No comments:
Post a Comment