शब्दांची वैज्ञानिक अर्थात व्याप्ती

        ( सामान्यज्ञान )

● काही शब्दांचे अर्थ दिलेले आहेत. या
  शब्दांच्या अर्थाची वैज्ञानिक व्याप्ती
   लक्षात ठेवा.

 (१) इंधन --
--- जळणासाठी उपयुक्त पदार्थ.

(२) मिठागर --
 --- समुद्रकाठावरची मीठ तयार करण्याची जागा.

(३) तर्जनी --
---  अंगठ्याशेजारचे बोट.

(४) उष्माघात --
---  सूर्याच्या उष्णतेने शरीरावर होणारा दुष्परिणाम.

(५) कुपोषण --
 ---  अन्नाची किंवा अन्नघटकांची कमतरता.

(६) कु-हाडबंदी --
---   झाडे तोडण्यास बंदी.

(७) चराईबंदी --
---  गुरे चारण्यास बंदी.

(८) चुंबकीय पदार्थ --
---  चुंबकाकडे आकर्षित होणारा पदार्थ.

(९) जलशुद्धीकरण --
---   पाणी शुद्ध करण्याची प्रक्रिया.

(१०) नैसर्गिक --
---    निसर्गतः मिळणारे.

(११) भूगर्भ --
 --- जमिनीच्या आतील भाग.

(१२) मानवनिर्मित --
 ---   माणसाने निर्माण केलेले.

(१३) रक्ताभिसरण --
---   शरीरात नलिकांमधून रक्त फिरत राहण्याची क्रिया.

(१४) रक्तवाहिन्या --
 ---    शरीरात रक्त वाहून नेणाऱ्या नळ्या.

(१५) रोगजंतू --
 ---    रोगास कारणीभूत ठरणारे सूक्ष्मजीव.

(१६) रोगप्रतिबंध --
---     रोगाला आळा घालणे.

(१७) श्वास --
---    नाकाने हवा फुप्फुसात घेण्याची कृती.

(१८) श्वासनलिका --
---     फुप्फुसात हवा जाण्यासाठी नळी.

(१९) श्वासोच्छवास --
---    श्वास आणि उच्छ्वास या एकापाठोपाठ होणाऱ्या क्रिया.

(२०) संपर्कजन्य रोग --
---   बाधित व्यक्तिच्या निकट स्पर्शाने होणारे रोग.

(२१) संसर्गजन्य रोग --
---   बाधित व्यक्तीच्या सांनिध्याने होणारे रोग.

(२२) साथीचे रोग --
---   एका वेळी अनेक लोकांना बाधा करणारे रोग.

(२३) स्टेथोस्कोप --
---     हृदयाचे ठोके मोजण्यासाठी वापरण्यात येणारे यंत्र.
=============================
संकलक :- शंकर सिताराम चौरे  (प्रा. शिक्षक)
             पिंपळनेर ता. साक्री जिल्हा धुळे
             ९४२२७३६७७५