(१) बत्तीस जणांना ठेवते गुपचूप
स्वत: बोलते खूपच खूप
उत्तर -- जीभ
----------------------------------
(२) लाकूड कापतो, लाकूड तासतो
औत, गाडी करून देतो
उत्तर -- सुतार
----------------------------------
(३)एका पासूनी बारा इतकी असते याची धाव
भिंतीवरती, हाती शोभे आठवते का नाव?
उत्तर -- घड्याळ
------------------------------------------
(४) सर्वांत मोठे माझेच पान
पंगतीमध्ये मजला मान
उत्तर -- केळीचे पान
-----------------------------------------
(५) सोने घेतो, चांदी घेतो,
दागदागिने करून देतो
उत्तर -- सोनार
-----------------------------------------
(६) म्हणतात मला फळांचा राजा
खाल्ल्यावर वाटते मज्जाच मजा
उत्तर -- आंबा
------------------------------------------------
(७) सुपासारखे माझे कान
शेपूट आहे फार लहान
उत्तर -- हत्ती
------------------------------------------------
(८) इटुकलं पिटुकलं दाराला लटकलं
चावी शिरता पोटात, पटकन उघडलं
उत्तर -- कुलूप
===========================
संकलक :- शंकर सिताराम चौरे (प्रा. शिक्षक )
जिल्हा परिषद प्राथमिक शाळा जामनेपाडा
केंद्र - रोहोड, जि. धुळे
९४२२७३६७७५
No comments:
Post a Comment