शरीराच्या अवयवांशी संबंधित वाक्प्रचार (भाषिक ज्ञान)

(अ) 'नाक' या अवयवाशी संबंधित वाक्प्रचार :

(१) नाक मुरडणे -- नापसंती व्यक्त करणे. 

(२) नाक खुपसणे -– नको तिथे दखल देणे.

(३) नाक उडवणे -- तोरा मिरवणे.

 (४) नाकी नऊ येणे -- हैराण होणे, दमणे.

(५) नाक दाबणे -- बोलायला प्रवृत्त करणे.

-------------------------------------------------

(ब). ' डोके' या अवयवाशी संबंधित वाक्प्रचार :

(१) डोके घालणे -- लक्ष देणे.

(२) डोके चालवणे -- बुद्धी चालवणे.

(३) डोक्यावर घेणे -- स्तुती करणे, गौरव करणे.

(४) डोक्यात येणे -- लक्षात येणे.

(५) डोके फिरणे -- चक्रावणे, राग येणे.

--------------------------------------------------

(क) 'कान' या अवयवाशी संबंधित वाक्प्रचार :

(१) कानांवर येणे -- सहज ऐकू येणे.

(२) कान फुंकणे -- एखादयाविषयी संशय निर्माण करणे.

(३) कान टवकारणे -- सावधपणे ऐकणे.

(४) कान पिळणे-- अद्दल घडवणे.

(५) कान उपटणे -- समज देणे.

---------------------------------------------

(ड). 'डोळे' या अवयवाशी संबंधित वाक्प्रचार :

(१) डोळे निवणे --- समाधान पावणे.

(२) डोळेझाक करणे --- दुर्लक्ष करणे.

(३) डोळे वटारणे --- रागावणे.

(४) डोळ्यांवर येणे --- लक्षात येणे. 

(५) डोळे मिटणे --- मरण पावणे.

============================

संकलक:- शंकर सिताराम चौरे (प्रा. शिक्षक)

जिल्हा परिषद प्राथमिक शाळा - जामनेपाडा

केंद्र - रोहोड, ता. साक्री, जि. धुळे

९४२२७३६७७५