(१) रंग माझा काळा, पांढरा
खाते मी गवत चारा
शिंगे माझी टोकदार
शेपूट माझे गोंडेदार
दूध देते गोड गोड
आवडते मी बाळांना
तर मी कोण ?
-------------------------------------------
(२) मानेवर माझ्या आयाळ छान
सा-या रानात माझाच मान
राहतो गुहेत गारेगार
फिरतो सा-या जंगलभर
गर्जना माझी ऐकून
व्हाल तुम्ही घामाघूम
तर मी कोण ?
-----------------------------------------------
(३) पाठीवर माझ्या सोनेरी पट्टे
रामाची माझ्यावर माया मोठी
शेपूट माझी झुपकेदार
बैठक माझी ऐटदार
खाते मी झाडाचे पान
तर मी कोण ?
------------------------------------------------
(४) काळा काळा माझा रंग
दिसतो मी फार मोठा
सर्कशीत करतो काम
उचलून आणतो मोठे मोठे खांब
सुपा एवढे माझे कान
सोंडेने करतो तुम्हा सलाम
तर मी कोण ?
---------------------------------------------
उत्तरे :- (१) गाय, (२) सिंह,
(३) खार, (४) हत्ती.
---------------------------------------------
संकलक :- शंकर सिताराम चौरे(प्रा. शिक्षक)
९४२२७३६७७५
Sir, very usefull knowledge.
ReplyDelete