भौमितिक आकृत्यांची माहिती

■ चौकोन :-
(१) चौकोनाला चार बाजू असतात.
(२) चौकोनाला चार कोन असतात.
(३) चौकोनाला चार शिरोबिंदू असतात.
    
  ■ आयत :-
(१) चौकोनाचा प्रत्येक कोन काटकोन
    असल्यास त्याला आयत म्हणतात.
(२)आयताला चार बाजू , चार कोन व चार
    शिरोबिंदू असतात.
(३) आयताच्या समोरासमोरील बाजू समान
       लांबीच्या असतात.

■ चौरस :-
  (१) चौकोनाचा प्रत्येक कोन काटकोन
   असून चारही बाजू सारख्याच लांबीच्या
  असतील तर तो चौरस असतो.

🔺 त्रिकोण :-
   (१) त्रिकोण ही एक तीन बाजू असलेली
        बंद आकृती आहे.
    (२) त्रिकोणाला तीन बाजू ,तीन कोन व
          तीन शिरोबिंदू असतात.

◾काटकोन :-
  (१)९०अंशाच्या मापाच्या कोनाला काटकोन
      म्हणतात.

◾लघुकोन :-
    (१) काटकोनापेक्षा लहान कोनाला लघुकोन
         म्हणतात.

◾विशालकोन :-
     काटकोनपेक्षा मोठ्या कोनाला विशालकोन
     म्हणतात.

■ समभूज त्रिकोण :-
    समभूज त्रिकोणाच्या तीनही बाजू समान
    लांबीच्या असतात.

■ समद्विभुज त्रिकोण :-
     समद्विभुज त्रिकोणाच्या दोन बाजू समान
     लांबीच्या असतात.

■ विषमभुज त्रिकोण :-
      विषमभुज त्रिकोणाच्या तीनही बाजू भिन्न
      लांबीच्या असतात.

■ समभूज चौकोन :-
    एखाद्या चौकोनाच्या फक्त चारही बाजू
    सारख्या लांबीच्या असल्यास तो समभूज
   चौकोन होय.

   संकलक :- शंकर सिताराम चौरे (प्रा. शिक्षक)
                     धुळे  - ९४२२७३६७७५