------------------------------------------------
(१) रात्र थोडी, सोंगे फार.
अर्थ-- कामाच्या मानाने वेळ अगदीच कमी असणे.
------------------------------------------------
(२) पळसाला पाने तीनच.
अर्थ -- कुठेही गेले तरी परिस्थिती तीच असते.
------------------------------------------------
(३) कुंपणच शेत खाते.
अर्थ -- रक्षकानेच चोऱ्या करणे.
------------------------------------------------
(४) जेवीन तर तुपाशी, नाहीतर तर उपाशी.
अर्थ-- मिळाले तर चांगले पाहिजे नाहीतर मुळीच
नको.
------------------------------------------------
(५) अडली गाय फटके खाय.
अर्थ-- अडचणीत सापडलेल्या माणसाला
अपमानास्पद शब्द ऐकून घ्यावे लागतात.
------------------------------------------------
(६) अति तेथे माती.
अर्थ-- कोणत्याही गोष्टीचा अतिरेक वाईट असतो.
------------------------------------------------
(७) करावे तसे भरावे.
अर्थ-- आपण जशी कृती करू तसे त्याचे फळ
मिळते.
------------------------------------------------
(८) एक ना धड, भाराभर चिंध्या.
अर्थ-- एकाच वेळी अनेक कामे स्वीकारल्यामुळे
शेवटी कोणतेही काम पूर्ण न होणे.
------------------------------------------------
(९) काकडीची चोरी फाशीची शिक्षा.
अर्थ-- लहानशा अपराधासाठी फार मोठी
शिक्षा होणे.
------------------------------------------------
(१०) कामापुरता मामा.
अर्थ-- गरजेपुरते गोड बोलणारा; मतलबी माणूस.
------------------------------------------------
(११) टाकीचे घाव सोसल्याशिवाय देवपण येत
नाही.
अर्थ-- कष्ट घेतल्याशिवाय मोठेपण मिळत नाही.
------------------------------------------------
(१२) तापल्या तव्यावर पोळी भाजून घेणे.
अर्थ-- आलेल्या संधीचा फायदा घेणे.
------------------------------------------------
(१३) भटाला दिली ओसरी, भट हळूहळू
पाय पसरी.
अर्थ -- एखाद्याला थोडीशी सवलत देताच तो
त्याचा जास्त फायदा घेऊ लागतो.
------------------------------------------------
(१४) मुंगी होऊन साखर खावी.
अर्थ-- नम्रपणाने चांगल्या चांगल्या गोष्टी
साध्य होतात.
------------------------------------------------
(१५) हाताच्या कंकणाला आरसा कशाला ?
अर्थ -- प्रत्यक्ष दिसणाऱ्या गोष्टीला पुराव्याची
गरज नसते.
------------------------------------------------
(१६) आपलेच दात, आपले ओठ .
अर्थ-- आपल्याच माणसाने चूक केल्यामुळे
अडचणीची स्थिती निर्माण होणे.
------------------------------------------------
(१७) आंधळं दळत, कुत्रं पीठ खातं.
अर्थ-- एकाने काम करावे आणि दुसर्‍याने
त्याचा फायदा घ्यावा.
------------------------------------------------
(१८) गोगलगाय अन् पोटात पाय.
अर्थ -- बाहेरून गरीब दिसणारी; पण मनात
कपट असणारी व्यक्ती.
================================
संकलक :- शंकर सिताराम चौरे ( प्रा. शिक्षक )
पिंपळनेर - साक्री (धुळे)
¤ ९४२२७३६७७५ ¤
No comments:
Post a Comment