फडकी म्हणजे जणू
प्रेमाचं नाजूक पदर
फडकीचे ठिपके म्हणजे
आदिम संस्कृतीची पाखरं
फडकी म्हणजे जणू
ममतेची सुंदर साखळी
जणू काही फुलातील
लाल मधुर पाकळी
फडकी म्हणजे जणू
प्रेमाचा अथांग सागर
फडकी माय म्हणजे
आदिम स्त्रीचा संसार
फडकी म्हणजे जणू
आदिम कणसरी माऊली
फडकीचं रुप म्हणजे
लेकरांची शितल सावली
फडकीच्य रूपाने
उजळतात दस दिशा
फडकीतून जन्म घेते
एक नवी आशा
========================
लेखक / कवी:- शंकर सिताराम चौरे
काकरपाडा ता. साक्री, जि. धुळे
९४२२७३६७७५ / ७७२१९४१४९६
No comments:
Post a Comment