ओळखा पाहू, मी कोण ?

                        *  उपक्रम *
            🔹 ओळखा पाहू, मी कोण 🔹
       
          संकलक  :- शंकर चौरे(पिंपळनेर) धुळे

(१) तुम्ही माझ्याशिवाय जगू शकत नाही
     पण मी तुम्हाला डोळ्यांना दिसत नाही
-----  हवा

(२) कडू आहे, गोड आहे की आहे आंबट
     मी सहज सांगेन की आहे ते तिखट
---- जीभ

(३) इटुकल पिटुकलं दाराला लटकलं
     चावी शिरता पोटात, पटकन उघडलं
----- कुलूप

(४) एका पासून बारा इतकी असते याची धाव
      भिंतीवरती, हाती शोभे आठवते का नाव ?
------ घड्याळ

(५)झाडावरती उंच ठिकाणी,पोटामध्ये मधूर पाणी
     कोकण माझे गाव, शुभकार्याला देती भाव
------- नारळ

(६) अंगावर पट्टे अन् उंचच माझी मान
      झाडाच्या शेंड्यांची मी पाने खातो छान
----- जिराफ

(७) असा सुळकन इकडे -तिकडे पळतो
      मी फक्त पाण्यात राहू शकतो
------  मासा

(८) बत्तीस जणांना ठेवते गुपचूप
     स्वतः बोलते खूपच खूप
-------  जीभ

(९) जमिनीवर-पाण्यात राहतो,टणक माझी पाठ
      संकटसमयी अंग मी ओढून घेतो आत
-------  कासव

(१०) डोक्यावर तुरा छान,
     राष्ट्रीय पक्ष्याचा मला मान
----- मोर

(११) म्हणतात मला फळांचा राजा
     खाल्ल्यावर वाटते मज्जाच मज्जा
----- आंबा

(१२) सुपासारखे माझे कान
        शेपूट आहे फार लहान
----  हत्ती

(१३)टणक कवच माझे, लाल तरी कधी पिवळे
     गुलाबी मधूर मी, रसाळ दाणे आता कोवळे
------ डाळिंब

                संकलक :-- शंकर चौरे
                                 पिंपळनेर
                                 ता.साक्री जि.धुळे
                                  ९४२२७३६७७५