गुरूजींनी विचारलं
काळ रंग कशाकशाचा ?
मुलांनी सांगितलं
केस, कोळसा आणि कावळ्याचा.
बाईंनी विचारलं
पांढरा रंग कशाकशाचा ?
मुलांनी सांगितलं
दूध, साखर आणि सश्याचा.
गुरूजींनी विचारलं
पिवळा रंग कशाकशाचा ?
मुलांनी सांगितलं
केळी, आंबा आणि हळदीचा.
बाईंनी विचारलं
जांभळा रंग कशाकशाचा ?
मुलांनी सांगितलं
कृष्णकमळ, जांभुळ आणि वांग्याचा.
गुरूजींनी विचारलं
हिरवा रंग कशाकशाचा ?
मुलांनी सांगितलं
मिरची, गवत आणि पोपटाचा.
बाईंनी विचारलं
लाल रंग कशाकशाचा ?
मुलांनी सांगितलं
कुंकू, जास्वंद आणि गुलाबाचा.
गुरूजींनी विचारलं
निळा रंग कशाकशाचा ?
मुलांनी सांगितलं
नीळ, शाई आणि मोराचा.
============================
----- शंकर मुराबाई सिताराम चौरे ( प्रा. शिक्षक )
जिल्हा परिषद प्राथमिक शाळा जामनेपाडा
केंद्र - रोहोड, ता. साक्री, जि. धुळे
९४२२७३६७७५ / ७७२१९४१४९६
No comments:
Post a Comment