समूहदर्शक शब्द प्रश्नावली -- उत्तर सांगा पाहू

     प्रश्न                            उत्तर

(१) कळप कोणाचा  ? ----  गुरांचा

(२) संघ कोणाचा  ?  ------ खेळाडूंचा

(३) जुडगा कशाचा   ? ---- किल्ल्यांचा

(४) जाळी कशाची  ? ---- करवंदांची

(५) मोळी कशाची  ?  ---- लाकडांची

(६) थवा कोणाचा  ?   ----  पक्ष्यांचा

(७) जमाव कोणाचा  ?  ----  माणसांचा

(८) रास कशाची  ?  ---   धान्याची

(९) काफिला कशाचा  ? ----- जहाजांचा

(१०) घड कशाचा  ?  ------   द्राक्षांचा

(११) पलटण कोणाची  ?  -----  सैनिकांची

(१२) गट कोणाचा  ?    ----- विद्यार्थ्यांचा

(१३) रांग कोणाची  ? ----- मुंग्यांची

(१४) उतरंड कशाची  ? ----   मडक्यांची

(१५) बेट कशाचे  ?  ---- बांबूचे

(१६) गुच्छ कशाचा  ? ------  फुलांचा

(१७) गठ्ठा कशाचा  ?     ---- पुस्तकांचा

(१८) राई कशाची  ?  -- आंब्याच्या झाडांची

(१९) टोळी कोणाची  ?  ---  चोरांची

(२०) ढीग कशाचा  ?  --- विटांचा

(२१) भारा कशाचा  ?  --- गवताचा

(२२) घोळका कशाचा  ?   --- मुलांचा

(२३) संच कशाचा  ?  --- वस्तूंचा

(२४) झुबका कशाचा  ?  -- केसांचा

(२५) वृंद कशाचा  ?  ---  वाद्यांचा

(२६) तांडा कोणाचा  ? --- उंटांचा

(२७) अढी कशाची  ? ---  आंब्याची

(२८) लोंगर कशाचा  ? --- केळ्यांचा

(२९)खिल्लार  कुणाचा  ?  --- गाईगुरांचे

(३०) जुडी कशाची  ?  ---  पालेभाजीची

(३१) तुकडी कोणाची  ?  --- सैनिकांची

(३२) घोस कशाचा  ?  --- द्राक्षांचा

(३३) थप्पी कशाची  ?  --- पोत्यांची

(३४) ताटवा कशाचा  ? --- फुलझाडांचा
=========================     
लेखन :- शंकर सिताराम चौरे(प्रा. शिक्षक)
           धुळे - ९४२२७३६७७५
           

इंग्रजी वाक्यांचे मराठीत भाषांतर करा.

    इंग्रजी वाक्य ~   ~   ~ मराठी वाक्य

● I  am Sumit -         मी सुमित आहे.
 
   I  am a boy.            मी मुलगा आहे.

   I  am  a  student.  मी विद्यार्थी आहे.
-------------------------------------------

●  I am a  supriya -  मी सुप्रिया आहे.

    I am  a  girl.-         मी मुलगी आहे.

    I  am  a  pupil. - मी विद्यार्थिनींनी आहे.
------------------------------------------

● I  am  Geeta.         मी गीता आहे.

   I  am a  woman.     मी स्त्री आहे.

  I  am  a nurse. - मी परिचारिका आहे.

-----------------------------------------

● I am a pandu. -       मी पांडू आहे.

   I am a  man. -         मी पुरूष आहे.

   I am a farmer.-      मी शेतकरी आहे.
-----------------------------------------

● You are Sham.      तू शाम आहेस.

   You  are a boy.-     तू मुलगा आहेस.

   You  are  an actor. - तू नट आहेस.
------------------------------------------

● You are  Heena. -     तू हीना आहेस.

  You  are  a girl.   -    तू मुलगी आहेस.

  You  are  a  doctor. -   तू  डाॅक्टर आहेस.

--------------------------------------------

● You are Raj.     -       तू राज आहेस.

   You  are a man.-     तू पुरूष आहेस.

   You are a singer. -  तू गायक आहेस.
----------------------------------------------

लेखन :- शंकर सिताराम चौरे (प्रा. शिक्षक) धुळे
             9422736775

शिक्षक दिन

           दरवर्षी  ५ सप्टेंबर या दिवशी 
 भारतात 'शिक्षक दिन ' साजरा केला जातो.
शिक्षकांवरील प्रेम आदर दाखविण्यासाठी या
 दिनाला विशेष महत्त्व आहे.
   ५ सप्टेंबर हा  भारताचे दुसरे राष्ट्रपती डाॅ.
सर्वपल्ली राधाकृष्णन यांचा जन्मदिवस. ते
जागतिक कीर्तीचे तत्त्वज्ञ होते. विद्यार्थ्यांचे
लाडके शिक्षक होते. त्यांच्या शिक्षणक्षेत्रातील
भरीव कामगिरीबद्दल कृतज्ञता व्यक्त करून
त्यापासून प्रेरणा घेण्यासाठी साजरा करण्यात
येतो.
       शिक्षक कसा असावा, याचा आदर्श
त्यांनी घालून दिला. काही शिक्षक  आपल्या
बरोबरच्या व अनेक भावी पिढ्यांचे शिक्षक
असतात. डाॅ. सर्वपल्ली राधाकृष्णन हे सुद्धा
असेच शिक्षक होते. शिक्षकपण किंवा गुरूपण
हे त्यांच्या पूर्ण शरीरात खिळलेले होते. त्यांचे
ज्ञान सखोल व तत्वनिष्ठ होते. ते नेहमी सांगत,
गुरूपद प्राप्त व्हायचे असेल, तर तत्त्वचिंतक
बना.
        दरवर्षी  ५ सप्टेंबर या दिवशी अनेक
शाळांमध्ये हा दिवस अनेक पध्दतीनी साजरा
केला जातो.  काही शाळांमध्ये या दिवशी
विद्यार्थी शाळा चालवतात. छोट्या विद्यार्थ्यांना
मोठे विद्यार्थी शिक्षक बनून शिकवतात. यातून
शिक्षकांविषयी प्रेम व आदर निर्माण होतो.
      असा हा शिक्षकदिन शाळेत उत्साहाने
पार पडतो.

            शंकर चौरे ( प्रा. शिक्षक)
             धुळे  / ९४२२७३६७७५