सामान्यज्ञान (सामान्य विज्ञान )

(१) एकूण जलसंपत्तीच्या किती टक्के पाणी
     समुद्रात सामावलेले आहे  ?

---  ९७ टक्के
-----------------------------------------------------
(२) समुद्राचे पाणी कसे असते  ?

---  खारट
-----------------------------------------------------
(३) पावसाळ्यात हवा कशी असते  ?

---  दमट
-----------------------------------------------------
(४) शरीराचे तापमान कशाने मोजतात  ?

---  तापमापीने
-----------------------------------------------------
(५) खोबरेल तेल कोणत्या ऋतूत गोठते  ?

---  हिवाळ्यात
-----------------------------------------------------
(६) तापमापीमध्ये सामान्यतः  कोणता पदार्थ
     वापरतात  ?

---  पारा
-----------------------------------------------------
(७) १ लीटर पाण्याचे वस्तुमान किती असते  ?

---  १ किलोग्रॅम
-----------------------------------------------------
(८) बेडकाचे अन्न कोणते  ?

---  कीटक
-----------------------------------------------------
(९)फुलपाखराचे अन्न कोणते  ?

---  मकरंद  (मध )
-----------------------------------------------------
(१०) चर्मवाद्यांमध्ये चामड्याचे कंपन होऊन
        कशाची निर्मिती होते  ?

---  ध्वनी
-----------------------------------------------------
(११)पृथ्वीवर पाणी किती अवस्थांमध्ये आढळते  ?

--- तीन
-----------------------------------------------------
(१२) लाकूड अर्धवट जळल्यावर कोणता पदार्थ
       तयार होतो  ?

---  कोळसा
-----------------------------------------------------
(१३)द्रवाचे बाष्प होणे या क्रियेला काय म्हणतात  ?

---  बाष्पीभवन
==============================
संकलक :- शंकर सिताराम चौरे (प्रा. शिक्षक )
          पिंपळनेर ता. साक्री  जि. धुळे
          ९४२२७३६७७५

वैयक्तिक व सार्वजनिक स्वच्छतेचे महत्त्व

      निरनिराळ्या प्रकारचे रोग विविध
रोगकारक सूक्ष्मजीवांमुळे होत असतात.
साथीच्या रोगांच्या वेळी अनेकांना रोगाचा
प्रादुर्भाव होण्याची शक्यता असते. तसेच
संसर्गजन्य आणि संपर्कजन्य रोगांचा प्रसारही सूक्ष्मजीवांमार्फत होत असतो. विविध जीवाणू
आणि विषाणू , अस्वच्छ परिसर, दूषित पाणी
आणि वाईट सवयीमुळे साथीचे रोग पसरत
असतात.  उदाहरणार्थ, उघड्यावर थुंकणे,
शौच किंवा लघवी करणे यांमुळे परिसरात
रोगजंतूंचा पैलाव होतो. क्षयरोगाचे जीवाणू ,
रोग्याच्या धुंकीतून हवेत शिरकाव करतात.
अशी दूषित हवा इतर निरोगी माणसांना
क्षयरोगी बनवू शकते. उघडे अन्न, बाजारी
अन्नपदार्थ यांवर बसलेल्या घरमाश्या विषमज्वर, काॅलरा, अतिसार, हगवण, कावीळ अशांसारख्या विकारांना जलद गतीने पसरवतात. या सर्व
रोगराईला टाळायचे असेल तर वैयक्तिक आणि सार्वजनिक स्वच्छतेचे महत्त्व प्रत्येकाने लक्षात
घेतले पाहिजे.
            स्वच्छता राखण्याचे उपाय केल्यास
रोगराईला प्रतिबंध होऊ शकतो. यासाठीच
प्रत्येकाने वैयक्तिक आणि सार्वजनिक
स्वच्छतेबद्दल सजग राहिले पाहिजे. कोठेही उघड्यावर न थुंकणे व उघड्यावर मलमूत्रविसर्जन
न करणे, कचरा न फेकणे अशा वैयक्तिक
स्वच्छतेच्या बाबी पाळणे महत्त्वाचे आहे.
             तसेच अन्न कोठेही उघडे न ठेवणे,
भाजीपाला स्वच्छ धुणे,,पाणी व उकिरडा
साचू न देणे, परिसर स्वच्छ ठेवणे, आजारी
असल्यास सार्वजनिक ठिकाणी न जाणे अशा उपायांनी रोगराईला आळा बसेल. म्हणूनच
उत्तम आरोग्यासाठी वैयक्तिक आणि सार्वजनिक
स्वच्छतेचे महत्त्व जाणून घेतले पाहिजे.

=============================
लेखन :- शंकर सिताराम चौरे  (प्रा. शिक्षक )
           पिंपळनेर ता. साक्री जि. धुळे
           ९४२२७३६७७५

शब्दांची वैज्ञानिक अर्थात व्याप्ती (भाग - ३)

(१) निर्धोक
---   ज्यापासून धोका नाही असे.

(२) नैसर्गिक
---  निसर्गत:  मिळणारे.

(३) भूगर्भ
---  जमिनीच्या आतील भाग.

(४) मानवनिर्मित
---  माणसाने निर्माण केलेली.

(५) मिठागर
--- समुद्रकाठावरची मीठ तयार करण्याची जागा.

(६) श्वासनलिका
---  फुप्फुसांत हवा जाण्यासाठीची नळी.

(७) जलशुद्धीकरण
---  पाणी शुद्ध करण्याची प्रक्रिया.

(८) निर्जंतुकीकरण
---  जंतूचा नाश करण्याची प्रक्रिया.

(९) उष्माघात
--  सूर्याच्या उष्णतेने  शरीरावर होणारा दुष्परिणाम.

(१०) चुंबकीय पदार्थ
---   चुंबकाकडे आकर्षित होणारा पदार्थ.

(११) सौरऊर्जा
---   सूर्यापासून मिळणारी ऊर्जा.

(१२) रोगजंतू
---    रोगास कारणीभूत ठरणारे सूक्ष्मजीव.

(१३) कुपोषण
---    अन्नाची किंवा अन्नघटकांची कमतरता.

(१४) जैविक
---    जीव असलेले,  जीवविषयक.

(१५) अजैविक
---   जीव नसलेले.
=============================
संकलक :-  शंकर सिताराम चौरे (प्रा. शिक्षक)
               पिंपळनेर  ता. साक्री जि. धुळे
               ९४२२७३६७७५