चला आपण 'काळ ' समजावून घेऊया.

      ■  व्याकरण  ■

● वाक्याचा अर्थ पूर्ण करणाऱ्या क्रियावाचक
  शब्दाला क्रियापद म्हणतात.
     उदा. खातो,  करतो,  जाते.

● क्रियापदाच्या रूपावरून त्याने दाखवलेली
    क्रिया कधी घडते, याचा जो बोध होतो;
   त्याला काळ म्हणतात.

● मराठी भाषेत प्रमुख तीन काळ आहेत.
   (१) वर्तमानकाळ  (२) भूतकाळ
   (३) भविष्यकाळ.

(१) वर्तमानकाळ :-
--- जेव्हा क्रियापदाच्या रूपावरून क्रिया आता म्हणजे वर्तमानात घडते.असा बोध होतो; तेव्हा
 त्या क्रियापदाचा वर्तमानकाळ असतो.
   उदा.  गाय चारा खाते.

 (२) भूतकाळ :-
--- जेव्हा क्रियापदाचा रूपावरून क्रिया पूर्वी
घडली आहे, असा बोध होतो; तेव्हा त्या
क्रियापदाचा भूतकाळ असतो.
      उदा.  गाईंने चारा खाल्ला.

(३)भविष्यकाळ :-
--- जेव्हा क्रियापदाच्या रूपावरून क्रिया
पुढे घडेल, असा बोध होतो; तेव्हा त्या
क्रियापदाचा भविष्यकाळ असतो.
  उदा.  गाय चारा खाईल.
=========================
■ क्रियापदांचे काळ अभ्यासू या :-

वर्तमानकाळ =भूतकाळ=भविष्यकाळ

(१) आहे  -    झाली  -   होईल.
(२) आहेत -   होते    -   असतील
(३) आहेस   - होतास -  होशील
(४) उगवतात-  उगवतील -उगवतील
(५) करता -     केले -     कराल
(६) करतात -  केली -  करतील
(७) करते    -   केला - करील
(८) खोदतात -  खोदले - खोदतील
(९) घेतो   -     घेतली  -  घेईल
(१०) चालते  -  चालली -  चालेल
(११) जगतात -  जगले -  जगतील
(१२) जातात   - गेले   - जातील
(१३) जातो    -  गेला  - जाईल
(१४) झोपवतो - झोपवेल - झोपवू
(१५) ठेवतो  -    ठेवले   -  ठेवेल
(१६) देतो   -    दिली  -    देणार
(१७) नाही  -   नव्हता  -  नसेल
(१८) पडतो  -   पडला  - पडेल
(१९) पडतात  - पडल्या - पडतील
(२०) पोहोचते  - पोहोचली -पोहोचेल
(२१) पोचतात  - पोचले  - पोचतील
(२२) मिळते  - मिळाली  - मिळेल
(२३) येते   -      आले   - येईल
(२४) रंगवतो  -  रंगवली  - रंगवेल
(२५) राहतात  - राहिल्या  - राहातील
(२६) लागते -   लागली  - लागेल
(२७) लावतात -   लावले  - लावतील
(२८) वाटते   -   वाटले  - वाटेल
(२९) शिरतो  -    शिरला  - शिरेल
(३०) शोधतो  -   शोधले  -  शोधेल
(३१) सांगतो -   सांगितली  - सांगतील
(३२) सुचले  -   सुचली   - सुचेल
=================================
संकलन :- शंकर सिताराम चौरे(प्रा. शिक्षक)
             पिंपळनेर  साक्री, जि. धुळे
             📞९४२२७३६७७५