सांगा पाहू. ( वैज्ञानिक प्रश्नावली )

(१) आदिवासींकडे कोणता अनमोल ठेवा आहे  ?

---  वनस्पती व प्राणी यांबाबतच्या पारंपरिक
     ज्ञानाचा खजिना आदिवासींजवळ आहे.
     हा खजिना जतन करणे अत्यावश्यक आहे.
    अन्यथा काळाच्या ओघात हा खजिना व
    त्याचबरोबर जैविक विविधता नष्ट होईल.

    
(२) खांद्यावर  लटकलेल्या शाळेच्या बॅगांना रूंद पट्टे का असतात  ?

--  रूंद पट्टयांमुळे बॅगेचे वजन विस्तृत क्षेत्रफळात
   विभागले जाते. त्यामुळे खांद्यावर पडणारा दाब कमी होतो.

(३) आरसा तयार करताना काचेचा पृष्ठभाग चकचकीत का करतात  ?

-- चकचकीत पृष्ठभागावरून प्रकाशाचे पूर्ण
   परावर्तन होते आणि प्रतिमा स्पष्ट दिसते.

(४)हिमालयात सतत बर्फ का असतो  ?

--- हिमालयात नेहमीच तापमान अतिशय कमी
   असल्यामुळे हवेतील पाण्याची वाफ तसेच
   पाणी गोठते. त्याचा परिणाम म्हणून बर्फ
   तयार होतो.