ओळखा पाहू मी कोण ?

(१) सुपासारखे माझे कान, 

शेपूट आहे फार लहान 

पाने, ऊस माझे जेवण, 

सांगा पाहू मी कोण ?

उत्तर :--- हत्ती.

----------------------------

(२) उंचाडी मान, फत्ताडे पाय 

वाकडी पाठ, डुगडुग जाय 

तुडवीत जातो वाळवंट 

सांगा  पाहू मी कोण?

उत्तर : ---- ‌उंट

----------------------------------

(३)कात नाही, चुना नाही, 

तोंड कसे रंगले?

पाऊस नाही, पाणी नाही,

रान कसे हिरवे ?

सांगा पाहू मी कोण ?

उत्तर : ----   पोपट.

-----------------------------

(४) लांब चोच.

लांब मान,

पांढरा रंग,

लावतो ध्यान

सांगा पाहू मी कोण ? 

उत्तर : -----   बगळा.

=========================

संकलक :- शंकर सिताराम चौरे ( प्रा. शिक्षक )

     जिल्हा परिषद प्राथमिक शाळा - जामनेपाडा

    केंद्र - रोहोड, ता. साक्री, जि. धुळे

   ९४२२७३६७७५