ओळखा पाहू !

                  ओळखा पाहू  !

 संकलन :- शंकर चौरे (पिंपळनेर) धुळे
               ¤ ९४२२७३६७७५ ¤

 मुलांनो, आज आपण एक छान खेळ
खेळणार आहोत. तुम्हांला मी कोण आहे ?
ते ओळखायचे आहे. त्यासाठी तुम्हांला येथे
काही मुद्दे दिले आहेत, ते वाचा व मी कोण
ते सांगा.

(अ) १.मी रात्री आकाशात दिसतो.
      २. लहान मुले मला मामा म्हणतात.
      ३. माझा आकार रोज बदलतो.      
   ----------------------------------------------

(आ) १. मी गोल आहे.
        २. तुम्ही माझ्याबरोबर खेळू शकता.
        ३. माझ्यामुळे इतर लोकांच्या खिडक्या
           फुटणार नाहीत याची काळजी घ्या.
    ----------------------------------------------

(इ) १. मी आकाशात राहतो.
     २. मी तुम्हांला 'ड' जीवनसत्व देतो.
     ३. माझ्याकडे एकटक पाहू नका.
   -----------------------------------------------

(ई) १. मी मीठू मीठू बोलतो.
     २. तुमची करमणूक करतो.
     ३. मला पिंजऱ्यात कोंडू नका.
   ------------------------------------------------

(उ)१. मी गोलाकार, पिवळसर आहे.
     २. सरबत करताना माझा उपयोग होतो.
     ३. खोकला येत असेल तर मला खाऊ नका
    -------------------------------------------------

(ऊ) १. मी हिरवा आणि तपकिरी आहे.
      २. मी तुम्हांला फळे आणि फुले देतो.
      ३. मला तोडू नका.
     ----------------------------------------------

(ए) १. सगळ्यांना माझे वेड आहे.
      २. करमणुकीबरोबर ज्ञानही देतो.
      ३. माझ्यासमोर तास न् तास बसू नका.
    -----------------------------------------------

(ऐ) १. मी सगळ्यांशी संवाद साधतो.
      २. तुमचा संदेश झटपट पोहोचवतो.
      ३. रात्री झोपताना मला खिशात ठेवू नका.
     ------------------------------------------------
 उत्तरे :-(अ) चंद्र, (आ) चेंडू , (इ) सूर्य,
          (ई) पोपट, (उ) लिंबू , (ऊ) झाड,
           (ए) टी.व्ही. , (ऐ) मोबाईल.
     ----------------------------------------------
   संकलन :- शंकर सिताराम चौरे(प्रा.शिक्षक)
                 जि.प.प्रा. शाळा बांडीकुहेर
                 ता. साक्री जि. धुळे
                 ९४२२७३६७७५