उपक्रम :- परिसरातील लोक

   उपक्रम :- परिसरातील लोक

   चिठ्ठी उचला आणि एक/दोन वाक्यात
             माहिती सांगा.
-------------------------------------------
साहित्य :- प्रश्नचिठ्ठया
 कृती :-
 १.पाच/ दहा विद्यार्थ्यांचा गट करवा.
 २.गटामध्ये 'प्रश्नचिठ्ठया' ठेवाव्यात.
 ३.प्रत्येकाला एक चिठ्ठी उचलण्यास सांगावी.
    विद्यार्थ्यांनी आपापल्या चिठ्ठ्या वाचाव्यात.
 ४.एका विद्यार्थ्याने त्याच्याजवळील चिठ्ठीवरील
     मजकूर वाचून त्याविषयी एक/दोन वाक्यात
     माहिती सांगावी.
-------------------------------------------

 (आपल्याला रोज वेगवेगळ्या वस्तू आणि
गोष्टी लागतात. वेगवेगळे लोक वेगवेगळ्या
वस्तू तयार करतात. तसेच आपली इतर
कामे करण्यासाठी आपल्याला अनेक लोक
मदत करतात. त्यांच्या विषयी एक, दोन
वाक्यात माहिती सांगा.)

  चिठ्ठयांसाठी विषय :-
   (१)सैनिक , (२)डॉक्टर, (३) नर्स,
   (४)शिक्षक, (५)भाजीवाला, (६)फळवाला
   (७)दुकानदार, (८)पोस्टमन, (९) गवंडी
   (१०)शेतकरी, (११)वायरमन, (१२) लोहार,
   (१३)कुंभार, (१४)सुतार, (१५) विणकर
   (१६)चर्मकार, (१७)नाभिक, (१८) बुरूड,
   (१९)सोनार, (२०)धोबी, (२१) शिंपी
   (२२)हमाल, (२३) पोलीस.
-------------------------------------------

  (१) सैनिक:-
       सैनिक देशाचे रक्षण करतात.
-------------------------------------------
(२)डॉक्टर :-
      डॉक्टर आजारी माणसांना तपासतात;
      त्यांना औषधे देतात आणि बरे करतात.
-------------------------------------------
  (३) नर्स (परिचारिका) :-
       रूग्णालयात नर्स रुग्णांची शुश्रूषा
      (सेवा) करतात.
-------------------------------------------
(४) शिक्षक :-
       शाळेतील गुरूजी व बाई हे शिक्षक
       आपल्याला अभ्यास शिकवतात.
------------------------------------------
(५) भाजीवाला :-
       भाजीवाले हंगामाप्रमाणे मिळणाऱ्या
       विविध भाज्या विकतात.
----------------------------------------
(६) फळवाला :-
        फळवाले हंगामाप्रमाणे मिळणारी
       विविध फळे विकतात.
------------------------------------------
 (७) दुकानदार  :-
        दुकानदार आपल्याला रोज उपयोगी
        पडणाऱ्या वस्तू विकतात.
------------------------------------------
 (८) पोस्टमन :-
       पोस्टमन आपली पत्रे आपल्या घरी
       आणून देतात.
-------------------------------------------
 (९) गवंडी :-
        गवंडी नवीन घरे बांधतात. घरांची
        दुरूस्ती करतात.
------------------------------------------
(१०) शेतकरी :-
       शेतकरी खूप कष्ट करतात आणि धान्ये
       फळे, भाजीपाला पिकवतात.
-----------------------------------------
  http://shankarchaure.blogspot.in
----------------------------------------
  (११) वायरमन  :-
      वायरमन विजेच्या उपकरणांची जोडणी
       करतात.
-------------------------------------------
(१२) लोहार  :-
       लोहार विळी,कोयता, चाकू यांसारख्या    
      वस्तू बनवतात.
-------------------------------------------
(१३) कुंभार :-
        कुंभार माठ, कुंड्या, पणत्या यांसारखी
        मातीची भांडी बनवतात.
------------------------------------------
(१४) सुतार :-
        सुतार टेबल, खुर्ची, कपाट अशा
        लाकडाच्या वस्तू बनवतात.
-------------------------------------------
(१५) विणकर :-
        विणकर मागावर कापड विणतात.
------------------------------------------
(१६) चर्मकार :-
        चर्मकार, चपला, बूट बनवतात आणि
        फाटलेल्या चपला, बूट दुरूस्त करतात.
-------------------------------------------
(१७) नाभिक :-
      पुरुषांचे व मुलांचे केस कापण्याचे काम
       नाभिक करतात.
-----------------------------------------
(१८) बुरूड  :-
      बुरूड चटया, टोपल्या, सुपे विणतात.
------------------------------------------
(१९) सोनार :-
      सोनार सोन्याचे व चांदीचे दागिने घडवतात.
-----------------------------------------
(२०) धोबी :-
      धोबी कपडे धुतात आणि इस्त्री करून
      देतात.
------------------------------------------
(२१) शिंपी :-
      शिंपी आपले कपडे शिवून देतात.
-----------------------------------------
(२२) हमाल :-
    रेल्वे स्टेशन, बसस्थानक येथे प्रवाशांचे
    जड सामान उचलून नेण्याचे काम
    हमाल करतात.
------------------------------------------
(२३) पोलीस :-
     पोलीस चोरांना तसेच गुन्हा करणाऱ्या
     माणसांना पकडून नेतात.
   ---------------------------------------

 लेखन:- शंकर सिताराम चौरे(प्रा.शिक्षक)
                जि.प प्रा.शाळा बांडीकुहेर
                ता.साक्री जि.धुळे
                ९४२२७३६७७५