आम्ही जलचर

         (१)  मासा  🐟

  मासा हा एक जलचर प्राणी असून त्याच्या
वेगवेगळ्या प्रजाती आढळतात. माश्याला
पापण्या नसल्याने तो डोळे उघडे ठेऊन
झोपतो. त्याला नाक नसते. तो कल्ल्याच्या
साहाय्याने पाण्यातला आॅक्सिजन ग्रहण
करतो. काही माश्यांच्या शरीरावर खवले
असतात. मासे पाण्यातील शेवाळ व इतर
वनस्पती खाऊन आपले पोट भरतात. तर
मोठमोठे मासे इतर जीवांना व लहान माश्यांना
खाऊन आपले पोट भरत असतात.

-------------------------------------------------

          (२) कासव  🐢

   कासव हा उभयचर प्राणी आहे. त्याच्या
पाठीवर जाड व टणक कवच असते.
धोक्याची चाहूल लागताच कासव स्वतःला
कवचाच्या आतमध्ये लपवितो. तो जमिनीवर
अतिशय हळूहळू चालतो, परंतु पाण्यात तो
चपळ आहे. कासव हा शाकाहारी असून तो
वनस्पती खातो. तो शीतरक्ताचा प्राणी आहे.
कासव हा दीर्घायुष्यी आहे. त्याचा जीवनकाल
१०० वर्षापेक्षा जास्त आहे.

--------------------------------------------------

          (३)  बेडूक 🐸

   बेडूक हा पृष्ठवंशिय उभयचर व शीतरक्ताचा
प्राणी आहे. त्याची त्वचा पाणी ग्रहण करते.
म्हणून त्याला पाणी पिण्याची गरज भासत
नाही.  बेडूक हा त्वचेद्वारे श्वसन करतो.
अतिशय उष्ण हवामानात बेडूक स्वतःला
जमिनीत गाडून घेतात. व दीर्घ निद्रा घेतात.
बेडूक हा मांसाहारी असतो. नर बेडकाचा
आवाज घोगरा, खोल आणि मोठा असतो.
बेडकाच्या त्वचेमध्ये विषग्रंथी सुध्दा असतात.

--------------------------------------------------
संकलन :- शंकर सिताराम चौरे(प्रा. शिक्षक)
             📞९४२२७३६७७५ (धुळे )