माझा आवडता पाळीव प्राणी - गाय

                      निबंध

                                     

       गाय हा पाळीव प्राणी आहे. गाईचा रंग
पांढरा, तांबूस किंवा काळा असतो. तिला
दोन शिंगे असतात. तिचे शेपूट गोंडेदार
असते. गाईचे डोळे काळेभोर व टपोरे
असतात.
   गाय गवत व कडबा खाते. तसेच पेंड,
आंबोणही खाते. गुराखी गाईंना चरायला
रानातही नेतात. घरी गाईंना गोठ्यात बांधून
ठेवतात. गाईच्या ओरडण्याला  'हंबरणे '
असे म्हणतात.
     गाय हा अत्यंत उपयुक्त प्राणी आहे.
गाईपासून आपल्याला दूध मिळते. आपण
दुधापासून दही, ताक, लोणी व तूप बनवतो.
गाईच्या शेणापासून खत तयार करतात.
तसेच शेणाच्या गोव-या करून त्यांचा
जळण म्हणून उपयोग करतात.
  गाय स्वभावाने गरीब असते. गाय खूप
खूप उपयुक्त प्राणी आहे.
===========================
लेखन  :- शंकर सिताराम चौरे (प्रा. शिक्षक)
                धुळे ९४२२७३६७७५