वाचा व लक्षात ठेवा (सामान्यज्ञान)

(१)झाडे खूप उपयोग पडतात.
     झाडांपासून लाकूड मिळते.
     झाडापासून सावली मिळते
     झाडांपासून फळे मिळतात.
     झाडा - झुडपांना वनस्पती म्हणतात.
     भाजी,  भात, भाकरी, डाळी
     वनस्पतींपासून मिळतात.
-----------------------------------------

(२)पाणी खूप उपयोगी असते.
     पाणी शेतीसाठी वापरतात.
     पाणी पिण्यासाठी वापरतात.
     पाणी कपडे, भांडी धुण्यास वापरतात.
     पाणी अन्न शिजवताना वापरतात.
     पाणी वाया घालवू नये.
-------------------------------------------

(३)हवा आहे पण दिसत नाही.
    हवेला रंग नाही.
    पण आपल्याला हवा जाणवते.
    हवेने फुगा फुगतो.
    हवेने कपडे सुकतात.
    हवेने पापड सुकतात.
    जोराच्या हवेने झाडे पडतात.
-------------------------------------------

(४)चमचाभर मीठ घेतले .
     मिठाचे लहान लहान कण होते.
     मीठ आता पाण्यात घातले ते ढवळले.
     काही वेळाने मीठ विरघळले.
     चव घेतली तर पाणी खारट लागले.
------------------------------------------

(५)एका बाटलीत पाणी घेतले.
     छोटा दगड टाकला,तो विरघळला नाही.
     मीठ टाकले,ते लगेच विरघळले.
     रबर टाकला, पण विरघळला नाही.
     साखर टाकली, ती विरघळली.
     तुरटी टाकली,तीही विरघळली.
     तेल टाकले, पण विरघळले नाही.

=============================
संकलन :- शंकर सिताराम चौरे (प्रा. शिक्षक)
                धुळे.  ¤ ९४२२७३६७७५ ¤