भौगोलिक प्रश्नावली ( म्हणजे काय ? )

( १) निर्यात म्हणजे काय  ?
--- देशाबाहेर माल पाठवला जातो, त्यास 'निर्यात '
     म्हणतात  ?
-----------------------------------------------------

(२) आयात म्हणजे काय  ?
---  इतर देशांकडून आपण माल आणतो, त्यास
     'आयात ' म्हणतात.
-----------------------------------------------------

(३) खासगी मालमत्ता म्हणजे काय  ?
--- स्वतःच्या मालकीच्या वस्तूंना  'खासगी '
     मालमत्ता म्हणतात.
-----------------------------------------------------

(४) व्यापार म्हणजे काय  ?
--- ज्या वस्तू आपल्याकडे जास्त असतात, अशा
    वस्तू आपण इतरांना विकतो आणि ज्या वस्तूंची
   आवश्यकता असते, त्या वस्तू इतरांकडून विकत
    घेतो. अशा प्रकारच्या वस्तूंच्या देवाणघेवाणीस
   'व्यापार ' म्हणतात.
-----------------------------------------------------

(५) उद्योग म्हणजे काय  ?
---  कच्च्या मालाचे उपयोगी पक्क्या मालात
     रूपांतर करणे यास उद्योग म्हणतात.
-----------------------------------------------------

(६)छोटे उद्योग म्हणजे काय  ?
---  ज्या उद्योगांत थोडेच लोक लहानशा जागेत
    हातांनी किंवा लहान लहान यंत्रांनी उपयोगी
    वस्तू बनवतात, त्यांना छोटे उद्योग म्हणतात.
-----------------------------------------------------

(७) मोठे उद्योग म्हणजे काय  ?
---जेथे मोठमोठ्या यंत्रांच्या मदतीने पुष्कळ माणसे   
   काम करून मोठ्या प्रमाणावर वस्तू तयार
   करतात, त्यांना मोठे उद्योग म्हणतात.
-----------------------------------------------------

(८) कारखाना म्हणजे काय  ?
--- जेथे अनेक उपयोगी वस्तू हातांनी व यंत्रांनी
    तयार करतात, त्यास कारखाना म्हणतात.
-----------------------------------------------------

(९) उद्योगधंदे म्हणजे काय  ?
--- कच्च्या मालावर प्रक्रिया करून त्यापासून
   नवीन वस्तू तयार करतात,  त्यास  'उद्योगधंदे '
   म्हणतात.
-----------------------------------------------------

(१०) वाहतूक म्हणजे काय  ?
--- माल किंवा माणसे एका ठिकाणाहून दुसर्‍या
    ठिकाणी नेणे याला वाहतूक म्हणतात.

=============================
संकलक :- शंकर सिताराम चौरे (प्रा. शिक्षक)
             पिंपळनेर  ता. साक्री  जि. धुळे
             ९४२२७३६७७५