चिठ्ठी उचलूया,पाच वाक्य सांगूया/लिहूया.

              भाषिक उपक्रम

● खालीपैकी कोणत्याही एका विषयावर ४/५
   वाक्यात माहिती सांगा /लिहा.

 ¤ साहित्य :-  विषय चिठ्ठया.
 ¤ कृती :-  विद्यार्थ्याने एक चिठ्ठी उचलून,
    त्याच्यावरील विषय वाचून माहिती सांगावी/
    लिहावी.

  (१) आरसा,         (२)समई ,      (३) कंदील,
  (४) विजेचा दिवा, (५) विहीर ,    (६) पणती,
  (७)कावळा,         (८) मांजर,     (९) कुत्रा,
  (१०) गुलाबाचे फूल.

   जसे ----   विषय चिठ्ठया.

(१) आरसा

      आरसा काचेचा तयार करतात. काचेला
एका बाजूला पारा लावतात. मग आरसा तयार
होतो. आरशात आपला चेहरा पाहता येतो.
म्हणून प्रत्येक घरात आरसा असतोच. आरसा
खूप उपयुक्त वस्तू आहे.
--------------------------------------------------
(२) समई

     समई देवापुढे लावतात. तिच्यात कापसाची
वात पेटवतात. समई पाच किंवा सात वाती
लावता येतात. समईचा प्रकाश मंद असतो.
-------------------------------------------------
(३) कंदील
     
     कंदिलात घासलेट (रॉकेल) भरतात. त्यात
कापडाची वात पेटवतात. वातीभोवती काच
लावतात. कंदील हातातून कुठेही नेता येतो.
--------------------------------------------------
(४) विजेचा दिवा

        विजेचा दिवा म्हणजे काचेचा पोकळ
गोळा. त्यात एक तार असते. विजेमुळे ती
तार पेटते आणि प्रखर प्रकाश देते. अलीकडे
विजेचा दिवा विविध आकारांत मिळतो.
-------------------------------------------------
(५) विहीर

    जमिनीत खूप खोल खड्डा खणतात. त्यात
झ-याचे पाणी साठते. त्याला विहीर म्हणतात.
खेडेगावांत विहिरी असतात. विहिरीतून
आपल्याला पिण्यासाठी व शेतीसाठी पाणी
मिळते.
--------------------------------------------------
(६)  पणती
    
       पणती मातीच्या बनवतात. तिच्यात तेल
घालतात. त्यात कापसाची वात पेटवतात.
पणतीचा प्रकाश मिणमिणत असतो. दिवाळीत
पणत्यांची आरास करतात.
--------------------------------------------------
(७) कावळा

    कावळा हा सर्वांच्या परिचयाचा आहे.
त्याचा रंग काळा असतो. त्याची चोच खूप
मोठी असते. तो काव काव असे ओरडतो.
तो उंच झाडावर आपले घरटे बांधतो. तो
अळ्या, किडे आणि जे मिळेल ते खातो.
-------------------------------------------------
(८) मांजर

     मांजर हा पाळीव प्राणी आहे. त्याच्या
अंगावर मऊ केस असतात. त्याचे डोळे घारे
असतात. मांजराला मिशाही असतात.
मांजर पांढऱ्या, काळ्या, सोनेरी किंवा करड्या
रंगाचे असते. ते ' म्याव म्याव ' करून ओरडते.
--------------------------------------------------
(९) कुत्रा

   कुत्रा हा पाळीव प्राणी आहे. तो मांसाहारी
आहे. तो दिलेल्या आज्ञा पाळतो. कुत्रा घराची
राखण करतो. चोर आला की जोरजोरात
भुंकतो.
--------------------------------------------------
(१०) गुलाबाचे फूल

    गुलाब हे अत्यंत सुंदर फूल आहे. त्याचा
रंग लाल, गुलाबी, पिवळा किंवा पांढराही 
असतो. त्याचा सुगंध मनाला आनंद देतो.
गुलाबाच्या झाडाला काटे असतात.
त्याच्यापासून अत्तर बनवतात. गुलाब हा
फुलांचा राजा आहे.     
========================

लेखन:- शंकर सिताराम चौरे (प्रा. शिक्षक)
            पिंपळनेर ता. साक्री जि.  धुळे
            ९४२२७३६७७५