मला शाळेत काय शिकायला मिळेल ?

👫  एक चांगलं माणूस कसं व्हावं, इतरांशी
    आदराने कसं वागावं हे मला शिकायला
    मिळेल. आपल्या राज्यघटनेत जे समानतेचं
    मूल्य आहे ते आचरणात कसं आणावं हे
    मला शिकायला मिळेल.

👫  वाचणे, लिहिणे आणि गणित या मूलभूत
    विषयांखेरीज मला गाणी म्हणायला,
    नाचायला, रंगकाम करायला मिळेल आणि
    वेगवेगळ्या कार्यक्रमात भाग घ्यायला मिळेल.

👫  माझ्या शरीराची काळजी घेण्यासाठी काय
    करायला हवं, माझी वाढ कशी होते, माझे
    शरीर कसे सशक्त होते हे मला शिकायला 
    मिळेल.

👫  मला आवडणाऱ्या बऱ्याच गोष्टी शाळेमध्ये
    असतील ज्यामुळे मला शाळेत जाताना
    आनंद वाटेल. मला शाळेत रोज नवनवीन
    गोष्टी शिकायला मिळतील.

👫  अभ्यासाबरोबरच शाळेत मला हाताने
    करायच्या गोष्टी, हस्तकौशल्य शिकायला
    मिळतील. त्याचा भविष्यात मला चांगला
    उपयोग होऊ शकतो.

👫  मला माझ्या मातृभाषेत बोलायला आणि
    वाचायला आवडते. माझ्या शिक्षकांनी
    जर माझ्या मातृभाषेचा शाळेत उपयोग
   केला तर मला छान वाटेल.

👫  शाळेत शिकत असताना मला खूप कल्पना
    सुचत असतात, डोक्यात खूप विचार येत
    असतात. माझ्या कल्पना, माझे विचार
    वर्गात बोलायचे स्वातंत्र्य मला आहे.

=========================     
संकलक :- शंकर सिताराम चौरे (प्रा. शिक्षक)
               धुळे / ९४२२७३६७७५