जलरुपे - नदी ( भौगोलिक प्रश्नावली )

(१) ओढा म्हणजे काय ?

उत्तर -- अनेक ओहाळ एकत्र येऊन वाहू लागतात, तेव्हा त्यास ओढा म्हणतात.

--------------------------------------

(२) उपनदी म्हणजे काय ?

उत्तर -- मोठ्या नदीला मिळणाऱ्या लहान नदीला उपनदी म्हणतात.

-----------------------------------------------

(३) ओहोळ म्हणजे काय ?

उत्तर -- पावसाचे बरेचसे पाणी जमिनीच्या उतारावरून वाहू लागते.  असे पाणी एकत्र आले आणि वाहू लागले म्हणजे ओहोळ तयार होतात.

-----------------------------------------------------------

(४) नदी म्हणजे काय ?

उत्तर --  नैसर्गिक पाण्याच्या रुंद प्रवाहाला नदी असे म्हणतात. नदीचा उगम हा मोठा झरा, अनेक छोटे झरे एकत्रित येऊन किंवा बर्फाच्छादित पर्वतापासून होतो.

----------------------------------------------------------

(५) संगम म्हणजे काय ?

उत्तर -- दोन किंवा अधिक नद्या एकत्र मिळतात, त्या ठिकाणाला संगम म्हणतात.

-----------------------------------------------------------

(६) तीर किंवा थडी म्हणजे काय ?

उत्तर -- नदीच्या काठांना तीर किंवा थडी म्हणतात.

-----------------------------------------------------------

(७) खाडी म्हणजे काय ?.

उत्तर -- समुद्राचे पाणी नदीच्या मुखातून  जेथपर्यंत नदीत शिरते, त्या नदीच्या भागाला खाडी म्हणतात.

-----------------------------------------------------------

(८) भूपृष्ठावर कोणती जलरुपे आहेत ?

उत्तर --  भूपृष्ठावर नदी, तलाव, समुद्र इत्यादी जलरुपे आहेत.

-----------------------------------------------------------

(९) नदीचे खोरे कशाला म्हणतात ?

उत्तर -- नदी व तिच्या उपनद्या यांच्या काठाच्या प्रदेशाला नदीचे खोरे म्हणतात.

-----------------------------------------------------------

(१०) नदीचा उगम कोठे होतो ?

उत्तर -- सर्वसाधारणपणे  पर्वतात किंवा डोंगराळ भागात नदीचा उगम होतो.

-----------------------------------------------------------

(११) महाराष्ट्र राज्यातील चार नद्यांची नावे सांगा.

उत्तर  -- तापी,. गोदावरी, भीमा, कृष्णा

===================================

संकलक :- शंकर सिताराम चौरे ( प्रा. शिक्षक )

       जिल्हा परिषद प्राथमिक शाळा - जामनेपाडा

     केंद्र - रोहोड, ता. साक्री, जि. धुळे

  ‌‌. ९४२२७३६७७५