वनांचे प्रकार

              🔹वनांचे प्रकार 🔹

✍संकलक :- शंकर चौरे(पिंपळनेर) धुळे
                    ¤ ९४२२७३६७७५ ¤

  वनस्पतींमध्ये झाडेझुडपे, वेली, गवत
इत्यादींचा समावेश होतो. विविध वनस्पती
प्रामुख्याने वनांत आढळतात. वनांचे पुढील
प्रकार पडतात.
      (१) सदाहरित वने
      (२) पानझडी वने
      (३) काटेरी झुडपांची वने

● सदाहरित वने :-- सदाहरित वनांतील झाडे
नेहमी हिरवीगार असतात. म्हणून या वनांना
सदाहरित वने म्हणतात. या वनांत आंबा,
शिसव, फणस, जांभूळ, हिरडा, वेळू इत्यादी
झाडे आढळतात. या वनांत वृक्षांची व
वेलींची फार दाटी असते.

● पानझडी वने :- पानझडी वनांतील झाडांची
पाने उन्हाळ्याच्या सुरूवातीला गळतात.म्हणून
या वनांना पानझडी वने म्हणतात.पावसाळ्या-
पूर्वी येथील झाडांना पालवी फुटते. पावसाळ्यात
झाडे पानाफुलांनी बहरतात. या वनांत साग,
खैर, वड, पिंपळ, कडुलिंब, ऐन, पळस, चिंच,
आवळा इत्यादी वृक्ष आढळतात.

● काटेरी झुडपांची वने :- काटेरी झुडपांच्या
वनांत कमी उंचीची झाडेझुडपे आढळतात.
नापीक जमीन व कमी पाऊस असलेल्या
प्रदेशात काटेरी झुडपे वाढतात. या वनांत
कोरफड, घायपात, बोर, बाभूळ व खुरटे गवत
इत्यादी वनस्पती या वनांत आढळतात.

      संकलक :- शंकर चौरे(प्रा. शिक्षक)
                    जि. प.प्रा. शाळा बांडीकुहेर
                    ता. साक्री जि. धुळे
                 📞९४२३७३६७७५