" म्हणी व त्यांचा अर्थ "

            ---------------------------
          " म्हणी व त्यांचा अर्थ "
          " ---------------------------"
     संकलक:- शंकर चौरे(पिंपळनेर)धुळे
                    ¤ ९४२२७३६७७५ ¤

----------------------------------------------
(१) अति तेथे माती .
-- कोणत्याही गोष्टीचा अतिरेक हा
    शेवटी नुकसानकारक ठरतो.
----------------------------------------------
(२)अडला हरी गाढवाचे पाय धरी.
-- एखाद्या बुद्धिमान,सज्जन माणसाला 
   देखील अडचणीच्या वेळी मूर्ख, दुर्जन
   माणसाची विनवणी करावी लागते.
----------------------------------------------
(३) इकडे आड, तिकडे विहीर.
-- दोन्ही बाजूंनी सारखीच अडचणीची
   स्थिती निर्माण होणे.
----------------------------------------------
(४) अंथरूण पाहून पाय पसरावे.
-- ऐपतीच्या मानाने खर्च करावा.
----------------------------------------------
(५)गोगलगाय नि पोटात पाय.
--- बाहेरून गरीब दिसणारी;पण मनात          कपट असणारी व गुप्तपणे            
खोडसाळपणा  करणारी व्यक्ती.
----------------------------------------------
(६) पळसाला पाने तीनच.
-- सर्वत्र सारखीच परिस्थिती असणे.
----------------------------------------------
(७) बैल गेला नि झोपा केला.
-- एखादी गोष्ट होऊन गेल्यावर त्यासाठी
   केलेली व्यवस्था व्यर्थ ठरते.
----------------------------------------------
(८) रात्र थोडी सोंगे फार.
-- कामे भरपूर, पण वेळ थोडा.
-----------------------------------------------
(९) हत्ती गेला नि शेपूट राहिले.
-- कामाचा मोठा भाग पार पाडून थोडेसे
   काम शिल्लक राहणे.
------------------------------------------------
(१०) लेकी बोले सुने लागे.
--  एकाला उद्देशून पण दुसर्‍याला लागेल
    असे बोलणे.

       संकलक :- शंकर चौरे(प्रा. शिक्षक)
                      पिंपळनेर 
                      ता.साक्री जि.धुळे
                      📞 ९४२२७३६७७५